«Քյալլայի» մեջ թմրամիջոց են թաքցրել և ներկայացրել որպես հանձնուք: Բացահայտվել են նաև քրեակատարողական հիմնարկների ծառայողների կողմից արված ապօրինություններ:
«Քյալլան»՝ փռի մեջ / ©armeniasputnik.am
Արդարադատության նախարարության քրեակատարողական ծառայության պետ պատմել է արգելված իրերի ներթափանցման զավեշտալի դեպքերի մասին: Լրագրողների հետ զրույցում Արթուր Գոյունյանն անդրադարձել է բանտարկյալներին թմրամիջոցներ, արգելված իրեր փոխանցելու փորձերին:
ՔԿԾ պետի խոսքով՝ քաղաքացիները ՔՀ-ում գտնվող դատապարտյալներին փորձել են աղավնիների, դրոնների, ինչպես նաև Գյումրիի ավանդական «քյալլայի» միջոցով են փորձել թմրամիջոցներ հասցնել: Գոյունյանը նշել է, որ «քյալլայի» մեջ թմրամիջոց են թաքցրել և ներկայացրել որպես հանձնուք: ՔԿԾ պետը վստահեցրել է, որ բոլոր դեպքերը բացահայտվել են:
Վերջին դեպքը դեկտեմբերի 19-ին «Սևան» ՔԿՀ-ում մեծ քանակությամբ թմրամիջոցների հայտնաբերումն է եղել: ՔԿՀ-ի երկու աշխատակից էլ ձերբակալվել է դեկտեմբերի 20-ի առավոտյան՝ «Արմավիր» և «Նուբարաշեն» ՔԿՀ-ներ թմրամիջոցներ մտցնելու պատճառով:
Արթուր Գոյունյանն անդրադարձել է նաև հեռախոսների խնդրին: Նրա խոսքով՝ նախկին ծառայողները որոշակի գումարի դիմաց հեռախոս են փոխանցել դատապարտյալներին: Ներկայումս արդիական է դարձել դրսից քրեակատարողական հիմնարկի տարածք նետելու միջոցով արգելված իրերը փոխանցելը: Գոյունյանը վստահեցրել է, որ բոլոր փորձերը ձախողվում են:
ՔԿԾ պետը պատմել է նաև մեկ ամիս առաջ «Արմավիր» ՔԿՀ–ում տեղի ունեցած դեպքի մասին: Նրա խոսքով՝ դատապարտյալը բուժօգնություն ստանալու նպատակով հիվանդանոց տեղափոխվելիս ուղեկցողների բջջային հեռախոսներով կապվել իր հանցակից ընկերների հետ։ Վերջիններս մարիխուանան տարել են հիվանդանոց: Մի մասը ՔԿՀ ծառայողների հետ են ծխել, մյուս մասը վերցրել են հետները: Դեպքը բացահայտվել է, ընթանում է նախաքննություն:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…