ՀՀ 7 քաղաքացիներ շարունակում են ազատազրկված մնալ, այն դեպքում, երբ նույն գործով մեղադրյալ ադրբեջանցիներն ազատ են արձակվել: Ռուսաստանի հայերի միության համանախագահը Հայաստանի իշխանություններին ու գործարարներին կոչ է անում միջոցներ ձեռնարկել:
Ինչպես հիշում եք՝ Տավուշի սահմանին տեղի ունեցած Ադրբեջանի սանձազերծած ռազմական գործողությունները շարունակվեցին այլ երկրներում՝ հասարակական մակարդակում ընդհարումների տեսքով: Մոսկվայում դրանք ավելի մեծ ծավալ ունեցան: Մասնավորապես՝ տեղի շուկաներից մեկի ադրբեջանցի ղեկավարներն արգելել էին հայկական ապրանքի վաճառքը: Արդյունքում՝ հայկական ծիրանը վաճառվեց շուկայից դուրս՝ տեղի հայ համայնքի ջանքերով:
Խնդիրը, սակայն, այդպիսով չավարտվեց. «ծիրանային հակամարտությունն» ուղեկցվեց ընդհարումներով, ծեծկռտուքով: Ձերբակալվեցին անկարգությունների մասնակից մի խումբ ադրբեջանցիներ ու հայեր: Հարուցվել են քրեական գործեր, ընթանում են դատական գործընթացներ:
Ուշագրավն այս ամենում այն է, որ ձերբակալված ադրբեջանցիներն արդեն ազատ են արձակվել, մինչդեռ Հայաստանի 7 քաղաքացիները, ովքեր պաշտպանել են իրենց հայրենակիցների արժանապատվությունը և նախահարձակ չեն եղել, շարունակում են ազատազրկված մնալ՝ ճաղերի ետևում մասնակցելով դատական նիստին:
Ռուսաստանի հայերի միության համանախագահ Մուշեղ Սյունին ստեղծված իրադրության համար մեղադրել է ՀՀ իշխանություններին՝ նշելով, որ «ադրբեջանցիների թիկունքին իրենց պետությունը կանգնած է», մինչդեռ հայերն ինքնուրույն են պայքարում իրենց իրավունքների համար:
Հաղորդվում է, որ տղաներին ազատ արձակելու համար անհրաժեշտ է 3,5 մլն ռուբլի, որպեսզի նրանց չտուգանեն և 8 տարվա ազատազրկման չդատապարտեն:
Մուշեղ Սյունին մատնանշել է նաև այն հայազգին գործիչներին, ովքեր դեռևս հուլիսյան «ծիրանային» դեպքերից հետո պատրաստակամություն էին հայտնել փոխհատուցելու ադրբեջանցիների կրած վնասները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…