«Ռեստարտ» նախաձեռնության անդամ Դավիթ Պետրոսյանն օրերս հայտարարություն է տարածել ընթացող դատական գործընթացի մասին: Նրա խոսքով՝ նիստի ընթացքում իրեն վիրավորել են, անպատվել և հեռացրել դատական նիստերի դահլիճից։
Դավիթ Պետրոսյանը պատմել է, որ այդ օրը պետք է ցուցադրվեր այն տեսանյութը, որտեղ իրեն և իր ընկերներին ուղղված ամենածանր վիրավորանքներն ու սեռական բնույթի հայհոյանքներն են հնչում։ Դավիթի խոսքով՝ դատախազը տեսանյութի դիտման ժամանակ վիրավորանքները փորձել է որակել որպես «ուղղակի վիրավորանքներ» ու նշել, որ դրանք գործի հետ կապ չունեն: Դատախազը, ինչպես հաղորդվում է, հեգնանքով նշել է, որ եթե հաճելի է այդ ամենը կրկին լսել, կարող են շարունակել դիտել։ Դավիթը պատասխանել է, որ եթե ուղղակի վիրավորանքներ են, նույնն իրեն է ասում: Դրանից հետո «սառնասիրտ, օրենքը շատ սիրող» դատախազը նիստերի դահլիճում հայհոյել է Պետրոսյանին: Դատարանը վերջինիս կոչ է արել հարգել դատարանը և տոն չբարձրացնել:
Դավիթ Պետրոսյանը դժգոհել է ԱԱԾ-ի, Ոստիկանության ու Քննչականի գործողություններից՝ նրանց մեղադրելով անգործության, անպատասխանատվության և «գործ կարելու» մեջ: Պետրոսյանն օրվա իշխանություններին նույնպես մեղադրել է անգործության մեջ:
Պետրոսյանն ավելացրել է. «Մարդ ամեն ինչ կարող է կորցնել, բայց ինքասիրությունն ու արժանապատվությունը չեք կարող վերցնել»։ Հիշեցնենք՝ Դավիթ Պետրոսյանի և նրա ընկերների նկատմամբ դատական գործընթացը մեկնարկել է ՎԵՏՕ նախաձեռնության անդամ Նարեկ Մալյանին աղբամանը նետելու փորձի հիման վրա:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…