Տիեզերական լեգենդար սարքավորումը շուրջ 16 տարվա գործունեությունից հետո իր առաքելությունն ավարտել է հունվարի 31-ին, ժամը 02:34-ին:
Spitzer տիեզերական սարքավորման առաքելությունը տևել է 6002 օր: Դեռևս 2003թ. օգոստոսին տիեզերք ուղևորված աստղադիտակի վերջին հանձնարարությունը եղել է անցումն անվտանգության ռեժիմին:
Խաղաղօվկիանոսյան ստանդարտ ժամանակով հունվարի 30-ին, ժամը՝ 14:34-ին (Երևանի ժ/կ-ով՝ հունվարի 31-ին, ժամը՝ 02:34-ին) Spitzer նախագծի ղեկավար Ջոզեֆ Հանթը պաշտոնապես հայտարարել է աստղադիտակի շահագործման դադարեցման մասին:
Spitzer-ը հաճախ անվանում են NASA-յի Մեծ աստղադիտարաններից՝ գիտահետազոտական սարքավորումներից մեկը, որոնք աստղագիտության բնագավառում նշանակալից ներդրում են ունեցել: Նրանց թվում են Հաբլի աստղադիտակը, Կոմպտոն գամա-աստղադիտարանը և Չանդրա ռենտգենային աստղադիտարանը:
2003-2009թթ. Spitzer-ը տիեզերական խոշորագույն ինֆրակարմիր աստղադիտակ էր: Նրա միջոցով արված կարևորագույն բացահայտումների շարքում են էկզոմոլորակների լուսային ուղիղ ճառագայթման արձանագրումը, Սատուրնի՝ նախկինում անհայտ օղակը և TRAPPIST-1 համակարգի 7 մոլորակներից 4-ը, որոնց մի մասը գտնվում է բնակելիության տիրույթում: Spitzer-ը նաև բազմաթիվ լուսանկարների հեղինակ է: Ստորև կարող եք դիտել այդ նկարները:
Աստղադիտակի հետ աշխատող աստղագետ Մայքլ Վերները նշել է, որ Spitzer-ը մարդկային ձեռքբերումների լավագույն օրինակ է: NASA-յի գիտական առաքելությունների վարչության ղեկավարի օգնական Թոմաս Զուրբուխենի համոզմամբ՝ Spitzer-ը պատմել է տիեզերքի նոր երևույթների մասին և օգնել է, որպսզի առաջընթաց գրանցենք` հասկանալու, թե ինչպես է աշխատում աշխարհը, պատասխանելու մեր ծագմանն առնչվող հարցերին:
Աստղադիտակի հետազոտական առաքելությունը կշարունակի նոր սերնդի James Webb Space Telescope տիեզերական աստղադիտարանը, որի բացթողումը նախատեսված է 2021թ.: Այն ուսումնասիրելու է տիեզերքի առաջին աստղերն ու գալակտիկաները, ինչպես նաև սառը, հնարավոր բնակելի էկզոմոլորակները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…