General Motors-ը հրապարակել է Hummer-ի էլեկտրական տարբերակի թիզերը
«Էլեկտրահամերի» հզորությունը կազմելու է 1000 ձիաուժ. համեմատության համար նշենք, որ Hummer H1-ի շարժիչի հզորությունը հասավ առավելագույնը 300-ի: Արտադրությունը նախատեսվում է սկսել 2021թ. վերջին:
Երեք շաբաթ առաջ տեղեկություն էր հրապարակվել, որ General Motors-ը պատրաստվում է վերաթողարկել լեգենդար Hummer ամենագնացը, ընդ որում՝ ամբողջությամբ էլեկտրական դարձնելով: Ընկերությունն արդեն հաստատել է այդ տեղեկությունը՝ հրապարակելով նոր մեքենայի թիզերային հոլովակը և տեխնիկական որոշ մանրամասներ:
Hummer EV ավտոմեքենան թողարկվելու է GMC ապրանքանիշի ներքո, իսկ արտադրությունը կիրականացվի Դեթրոյթի հատուկ գործարանում: Վերջինիս վերահագեցման նպատակով ընկերությունները պատրաստվում են ծախսել ավելի քան 2 մլրդ դոլար, ինչը խոսում է նախագծերի լրջության մասին:
«Էլեկտրահամերի» հզորությունը կազմելու է 1000 ձիաուժ. համեմատության համար նշենք, որ Hummer H1-ի շարժիչի հզորությունը հասավ առավելագույնը 300-ի: 0-ից 100 կմ/ժ արագություն մեքենան զարգացնելու է 3 վայրկյանում: Նոր մոդելի մոտավոր գինը չի հաղորդվում: GMC Hummer EV-ի պաշտոնական ներկայացումը տեղի է ունենալու մայիսի 20-ին: Բազմասերիական արտադրության մեկնարկը նախատեսվում է 2021թ. վերջին:
Hummer-ի «օրիգինալ» ամենագնացները ստեղծվել են 1992թ.՝ ռազմական HMMWV մեքենայի հիման վրա, և արտադրվել են 2010-ականներին: Մեքենայի ռազմական տարբերակն արտադրվում է 1983թ.-ից մինչ օրս:
Ավելի վաղ Porsche-ը ստեղծել էր թռչող էլեկտրատաքսի, իսկ Իլոն Մասկը ներկայացրել էր Tesla-յի «խոսող» մեքենաները:
Մեկնաբանությունները