Հարցադրում է հնչում. «Արդյո՞ք նախորդ 2500 տարիների տառապանքները, հավատը, արարչագործությունները, էներգետիկան ու ձեռքբերումներն ի չիք կդառնան գլոբալ ժողովրդագրական ծանր պայմաններում»: Նշվում է, որ դա բացառելու և մեծ ընտանիքներ ունենալու ցանկությունը հայերի մոտ վերարժևորելու համար անհրաժեշտ է ավելին, քան պետական փոխհատուցումներն են:
Առողջապահության նախարարության Մոր և մանկան առողջության պահպանման վարչության պետի պաշտոնակատար Նունե Փաշայանի խոսքով` Հայաստանին ժողովրդագրական աղետ է սպառնում:
Փաշայանը նշել է, որ Հայաստանում մեկ կնոջը բաժին ընկնող ծնունդների թիվը 1,6 է, մինչդեռ բնակչության թվաքանակի պահպանման համար անհրաժեշտ է 2,1: Վերջին տվյալներով` կանանց 14,9%-ը և տղամարդկանց 9,5%-ն անպտուղ են:
Ըստ որոշ հաշվարկների` 21-րդ դարի վերջին երկրի բնակչության թիվը կարող է պակասել 1,5 մլն-ից: Պտղաբերության կենտրոնի հիմնադիր, Վերարտադրողական առողջության ասոցիացիայի նախագահ Էդուարդ Համբարձումյանն այս ցուցանիշներն անվանել է «սողացող ցեղասպանություն»: Մեկ այլ խնդիր է սեռի ընտրությունը. ՅՈՒՆԻՍԵՖ-ի տվյալներով` Հայաստանում սեռի ընտրության ամենաբարձր ցուցանիշներն են: 2018թ. ծնված 100 աղջկան բաժին է ընկնում 111 տղա:
Հայաստանի ժողովրդագրական խնդիրներին անդրադարձած հոդվածում նշվում է, որ փոքր երկիրը մշտապես պատերազմի մեջ է հարևան Ադրբեջանի հետ: Հակամարտության հետևանքով հազարավոր զինվորներ ու խաղաղ բնակիչներ են զոհվել, հարյուր հազարավորները տեղահանվել են էթնիկ զտման պատճառով:
Մեջբերելով ղեկավարների հայտարարությունները` շեշտվում է, որ Սերժ Սարգսյանը 2017թ. կանխատեսել էր, որ 2040թ. երկրի բնակչության թիվը կարող է հասնել 4 մլն-ի: Նիկոլ Փաշինյանը 2019-ին հայտարարել էր 2050թ. 5 մլն բնակչությամբ Հայաստան ունենալու մասին:
Բեյրութի հայտնի պայթյունից հետո հազարավոր լիբանանահայեր տեղափոխվել էին Հայաստան: Սակայն նշվում է, որ աշխատատեղերի պակասի պատճառով այլ երկրների խոշոր համայնքներից մեծ հայրենադարձությունն անիրատեսական է: Նախկինում հրապարակված հոդվածներում Հայաստանի ժողովրդական թիվ մեկ խնդիր համարվել է ազգային անվտանգությունը:
Նշվում է, որ հայ ժողովուրդը պատմական տարբեր ժամանակաշրջաններում պարբերաբար ենթարկվել է աղետների, արհավիրքների, որոնք խոչընդոտել են բնակչության աճին: Սակայն ընդգծվում է, որ այդ ամենին զուգահեռ` հայերը գոյատևել են և պահպանել են իրենց յուրօրինակ ու արժանապատիվ մշակույթը:
Պատմական շրջափուլերի մասին խոսելիս հիշատակվում է 405թ. Մեսրոպ Մաշտոցի կողմից հայոց յուրօրինակ այբուբենի ստեղծումը: Ընդգծվում է նաև, որ Հայաստանն առաջինն է ընդունել քրիստոնեությունը որպես պետական կրոն` 301թ.: Հայերն, ինչպես նշվում է, ամբողջ աշխարհում գաղթօջախներ են ստեղծել` իրենց ներդրումն ունենալով աշխարհի մշակութային ու հասարակական կյանքում: Ազդեցիկ հայերի շարքում թվարկվում են Քիմ Քարդաշյանի, Շառլ Ազնավուրի, Քըրք Քըրքորյանի անունները:
Հոդվածը հարցադրում է հնչեցնում. «Արդյո՞ք նախորդ 2500 տարիների տառապանքները, հավատը, արարչագործությունները, էներգետիկան ու ձեռքբերումներն ի չիք կդառնան գլոբալ ժողովրդագրական ծանր պայմաններում»: Նշվում է, որ դա բացառելու և մեծ ընտանիքներ ունենալու ցանկությունը հայերի մոտ վերարժևորելու համար անհրաժեշտ է ավելին, քան պետական փոխհատուցումներն են:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…