Հաղորդվում է, որ Հյուսիսային Կորեայի ղեկավարի առողջական վիճակը վատթարացել է շատ ծխելու, ճարպակալելու և գերհոգնածության պատճառով: Մահվան մասին տեղեկությունը դեռ պաշտոնապես չի հաստատվել:
Կիմ Չեն Ըն / © Reuters / Scanpix
New York Post պարբերականը հաղորդել է, որ Հյուսիսային Կորեայի նախագահ Կիմ Չեն Ընը մահացել է: Աղբյուրը հղում է կատարել Հոնկոնգի ռադիոհաղորդման ցանցին, վերջինս՝ ճապոնական աղբյուրներին:
Հաղորդվում է, որ ԿԺԴՀ ղեկավարի վիճակը կտրուկ վատացել է սրտի վիրահատությունից հետո: Տեղեկության վերաբերյալ պաշտոնական հաստատում առայժմ առկա չէ: Նա հանրության առաջ երևացել է վերջին անգամ ապրիլի 12-ին:
Կիմ Չեն Ընի առողջական վիճակի վատթարացման վերաբերյալ տեղեկություններն այս շաբաթ էին տարածվել: Հյուսիսկորեական աղբյուրները հաղորդել էին, որ երկրի ղեկավարը սիրտ-անոթային համակարգի վիրահատությունից հետո բուժում է ստանում: Հիվանդության պատճառ է նշվել շատ ծխելը, ճարպակալումը և գերհոգնածությունը:
Նշվում է, որ ճապոնական «Իոմիուրին», հարավկորեական և ամերիկյան աղբյուրներին հղում կատարելով, հաղորդել է դեռևս 2019թ.-ից Հյուսիսային Կորեայում ղեկավարի փոփոխությանը պատրաստվելու մասին. նախագահ կարող է դառնալ նրա կրտսեր քույրը՝ Կիմ Յո Չժոնը: Վերջինս այժմ հանդիսանում է երկրի իշխանության երկրորդ ղեկավարը:
UPD 1. Հարավային Կորեայի իշխանությունները որևէ արտառոց երևույթ չեն նկատել, որը կարող է վկայել Կիմ Չեն Ընի մահվան մասին: Նախագայի խորհրդական հայտնել է, որ ԿԺԴՀ-ի ղեկավարը ողջ և առողջ է, ապրիլի 13-ից գտնվում է Վոնսան շրջանում: Հաղորդվել է նաև, որ հյուսիսկորեական մայրաքաղաք Պխենյանում լարվածություն չի նկատվել. սահմանափակումները շարունակում են կապված լինել միայն Covid-19 պանդեմիայի հետ:
Հավելենք, որ Կիմ Չեն Ընն, այնուամենայնիվ, առայժմ հանրության առաջ չի ներկայացել: Սակայն հյուսիսկորեական աղբյուրները տարածել են նրա շնորհավորական ուղերձը՝ շինարարներին ուղղված:
UPD 2. ԿԺԴՀ պետխորհրդի ղեկավար Կիմ Չեն Ընը 20-օրյա դադարից հետո հայտնվել է հանրության առաջ՝ այցելելով Սունչխոնում կառուցված պարարտանյութի գործարանի բացմանը:
Հաղորդվում է, որ Հյուսիսային Կորեայի նախագահն անձամբ է կտրել գործարանի կառուցման ավարտը խորհրդանշող ժապավենը: Նկարներից երևում է, որ արարողությունը, որին մասնակցել է ավելի վաղ «մահացած համարված» Կիմ Չեն Ընը, տեղի է ունեցել մայիսի մեկին:
Միջոցառումը նվիրված է եղել Աշխատավորների միջազգային օրվան:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…