Մազաթափությունը կանխելու նոր մեթոդ է գտնվել

ԱՄՆ-ի գիտնականները նոր կառուցվածք են բացահայտել, որի աշխատանքը հասկանալու դեպքում հնարավոր կլինի մշակել մազաթափության դեմ պայքարի նոր մեթոդներ:

Մեր գլխի յուրաքանչյուր նոր մազը ձևավորվում է այսպես կոչված մաշկային ծծակների շնորհիվ: Դրանք մաշկային հյուսվածքի այն հատվածներն են, որ սնում են մազարմատները: Ծծակների բջիջներն ունակ են դրդելու նոր մազապարկի (ֆոլիկուլ) ձևավորմանը՝ էպիդերմիսում ցողունային բջիջների դիֆերենցիացիա (տարանջատում) սկսելով: Երբ միջբջիջային փոխազդեցությունը խախտվում է, ապա թափվածների փոխարեն նոր մազեր չեն աճում:

Ուսումնասիրելով ծծակների բջիջների և ցողունային բջիջների միջև փոխազդեցության մեխանիզմները` գիտնականները հայտնաբերել են, որ մազապարկը եզերող մաշկային թաղանթը հարթ մկան է, որի հիմնական գործառույթը մաշկային ծծակները դեպի մազարմատները հրելն է: Հավանաբար մաշկաթաղանթը կարևոր դեր է խաղում մազաթափության գործում` մազահիմքը հրելով դեպի վեր և տեղ ազատելով նոր մազի մեծացման համար: Երբ այս գործընթացի հաճախականությունն արագանում է, սկսվում է մազաթափությունը:

Այս բացահայտումը հնարավորություն է տալիս փոխել պրոֆիլակտիկայի և մազաթափության բուժման նկատմամբ մոտեցումը: Մաշկաթաղանթի բլոկավորումը չի կարող հանգեցնել նոր մազերի աճին, բայց հնարավորություն է տալիս պաշտպանել նրանց, որոնք արդեն աճել են: Հետազոտության հեղինակներից Մայքլ Ռենդլը նշել է, որ մկանների այդ տեսակին անհնար է կամավոր կառավարել, նրանք նման են արյունատար անոթների մկաններին, բայց հնարավոր է կառավարել բժշկական միջոցներով:

Մաշկաթաղանթի վրա ներգործությունը հնարավորություն է տալիս ոչ միայն դադարեցնել աճի ցիկլը, այլև մազը պահպանել հնարավորինս երկար ու թույլ չտալ մազապարկի ռեգրեսիա (հետընթացություն): Ազդելով այդ մկանի վրա՝ մաշկաբանները կարող են կանխել պարկիկների անցումը քնած ռեժիմի, երբ մազարմատները նոր մազ չեն տալիս:

Ավելի վաղ Մոսկվայի բնակչի մոտ մազը հեռացրել են կոկորդից, իսկ աճուկների մազահեռացման և վեներական հիվանդություն ձեռք բերելու միջև կապը համարվել է կեղծ: