Սիմոն Մարտիրոսյանի արծաթե մեդալը կարող է փոխարինվել ոսկով
Պարզվել է, որ Ուզբեկստանի մարզիկը դոպինգ է օգտագործել դեռ Լոնդոնի 2012թ. խաղերի ժամանակ: Նա կզրկվի նաև Ռիո-2016-ի չեմպիոնությունից՝ իր տեղը զիջելով Սիմոնին:
Հայաստանի ծանրամարտի հավաքականի գլխավոր մարզիչ Փաշիկ Ալավերդյանը հայտարարել է, որ ծանրորդ Սիմոն Մարտիրոսյանի՝ Ռիո-2016 Օլիմպիական խաղերի ժամանակ ստացած արծաթե մեդալը փոխարինվել ոսկով: Ակնկալվում է, որ փոխարինումը կկայանա 2020թ. հունվարին:
Մարզչի խոսքով՝ ՄՕԿ-ն արդեն շնորհավորել է Սիմոն Մարտիրոսյանի ոսկե մեդալի համար, քանի որ ոսկե մեդալակիր Ռուսլան Նուրուդինովը կարող է զրկվել չեմպիոնի կոչումից: Պարզվել է, որ դեռևս 2012թ. Լոնդոնի Օլիմպիական խաղերի ժամանակ Ուզբեկստանը ներկայացնող Նուրուդինովը դոպինգ է օգտագործած եղել: Հաղորդվել է, որ նրա դոպինգ թեստի արդյունքը դրական է եղել:
Ռիոյի Օլիմպիական խաղերում չեմպիոնությունը կասկած է առաջացրել Միջազգային օլիմպիական կոմիտեի մոտ: Վերջինս որոշել է վերանայել Լոնդոնում 4-րդ տեղը զբաղեցրած մարզիկի հաջողությունները: Ռիոյում Սիմոն Մարտիրոսյանը երկամարտի 417կգ արդյունքով երկրորդ հորիզոնականն է զբաղեցրել՝ արժանանալով արծաթե մեդալի:
Սիմոն Մարտիրոսյանը Ռիո-2016-ում մրցում էր մինչև 105 կգ քաշային կարգում: Ոսկե մեդալ ստանալու դեպքում Մարտիրոսյանը կդառնա Օլիմպիական խաղերի երկրորդ չեմպիոնը. Ռիոյում մյուս ոսկե մեդալ ստացած մարզիկը հունահռոմեական ըմբիշ Արթուր Ալեքսանյանն է:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները