Նարեկ Սարգսյանին Չեխիայից Հայաստան են տեղափոխել

Դեկտեմբերի 21-ին ոստիկանության ծառայողների ուղեկցությամբ Չեխիայից Հայաստան է տեղափոխվել Սերժ Սարգսյանի եղբորորդին՝ Նարեկ Ալեքսանդրի Սարգսյանը։ Նրա նկատմամբ դեռևս 2018թ. հուլիսի 6-ին էր հայտարարվել հետախուզում, հուլիսի 24-ին՝ միջազգային հետախուզում:

ՀՀ Ոստիկանությունը և ՀՀ-ում Ինտերպոլի ազգային կենտրոնական բյուրոն, եվրոպական երկրների իրավապահ մարմինների ու Ինտերպոլի հետ համագործակցելով, Նարեկ Սարգսյանին հայտնաբերել էին 2018թ. դեկտեմբերի 6-ին՝ Պրահայում: Հայտնաբերման պահին նա ներկայացրել էր Գվատեմալայի քաղաքացու կեղծ անձնագիր՝ «Ֆրանկլին Գոնսալես» անվամբ:

Հետախուզվողի հայտնաբերման մասին տեղեկությունը փոխանցվել էր ՀՀ գլխավոր դատախազությանը՝ էքստրադիցիայի գործընթացը կազմակերպելու նպատակով: Իսկ մինչ այդ նրա մասին նույնիսկ երգ է գրվել.

Օգտատերերը նրա և Սարգսյանների ընտանիքի մասին ծաղրանկարներ ու հումորային հրապարակումներ են տարածել.

Ոստիկանության հաղորդմամբ՝ 2018թ. հունիսի 26-ին ՀՀ ԱԱԾ-ում քրեական գործ է հարուցվել՝ ՔՕ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով: Նախաքննությունը շարունակվում է։