Սարգիս Ադամյանի գոլի շնորհիվ «Հոֆենհայմը» հաղթեց «Բորուսիային»
Երկրորդ խաղակեսում փոխարինման դուրս եկած Սարգիս Ադամյանը նաև գոլային փոխանցման հեղինակն էր: Հոֆենհայմ-Բորուսիա՝ 2:1:
Գերմանական ակումբի հայազգի մարզիկ Սարգիս Ադամյանի գոլի և գոլային փոխանցման շնորհիվ «Հոֆենհայմը» 2:1 հաշվով հաղթել է Դորտմունդի «Բորուսիային»: Հայաստանի ազգային հավաքականի հարձակվող Սարգիս Ադամյանը փոխարինման էր դուրս եկել երկրորդ խաղակեսում:
Ադամյանի գոլի շնորհիվ հաշիվը հավասարեցվելուց հետո 87-րդ րոպեին «Հոֆենհայմի» հաղթական գոլի հեղինակ է դարձել խորվաթ հարձակվող Անդրեյ Կրամարիչը:
Ներկայումս «Հոֆենհայմն» ունի 27 միավոր. մրցաշարային աղյուսակում 6-րդ տեղում է: «Բորուսիան» 30 միավորով 4-րդ հորիզոնականում է:
Գերմանիայի ֆուտբոլի առաջնության 17-րդ տուրում Դորտմունդի «Սիգնալ Իդունա Պարկ» ստադիոնում «Բորուսիան» առաջինն էր բացել խաղի հաշիվը: 17-րդ րոպեին գերմանացի կիսապաշտպան Մարիո Գյոտցեն գրավել էր «Հոֆենհայմի» դարպասը:
Հիշեցնենք՝ ավելի վաղը Ադամյանի կրկնակի գոլը «Հոֆենհայմին» հաղթանակ էր պարգևել «Բավարիայի» դեմ խաղում:
Մեկնաբանությունները