Մեծամորի ատոմակայանը վերանորոգման պատճառով մայիսի 15-ից հոկտեմբերի 2-ը չի գործելու: Ռ. Քոչարյանը 2003-2004-ին հայտարարել էր, որ Հայաստանը նոր ատոմակայան կունենա, Ս. Սարգսյանը 2010թ. էր խոստացել, որ 4,5 մլրդ դոլար արժողությամբ նոր ԱԷԿ կկառուցվի, իսկ Ն. Փաշինյանը 2018թ. նշել էր, որ հայկական ԱԷԿ-ի շահագործման ժամկետը երկարացվելու է, իսկ մինչև 2040թ. նոր ԱԷԿ է կառուցվելու:
Ատոմակայան / © Armlur
Մեծամորի ատոմակայանը 2021թ. մայիսի 15-ից մինչև հոկտեմբերի 2-ը չի գործելու: Իրականացվելու են շուրջ 20 անուն մեքենայական սարքավորումների ապամոնտաժում և փոխարինում, կարգավորում և հիմնական սարքավորումների ստուգում, դրանց կապիտալ և միջին վերանորոգում: Հաղորդվում է, որ վերանորոգման աշխատանքների արդյունքում Ատոմակայանի շահագործման ժամկետը կերկարացվի մինչև 2026թ.:
Աղբյուրը հիշեցնում է, որ դեռևս Ռոբերտ Քոչարյանն իր նախագահության տարիներին` 2003-2004թթ., հայտարարել էր, որ Հայաստանում նոր ատոմակայան է կառուցվելու, նախագծի մշակման աշխատանքներն, իբր, արդեն սկսվել էին:
Սերժ Սարգսյանն իր հերթին 2010թ. հայտարարել էր, որ Հայաստանում կառուցվելու է 4,5 մլրդ դոլար արժողությամբ ԱԷԿ: Ավելի քան 2 մլրդ-ը տրամադրելու էր ռուսական կողմը:
Վարչապետ Նիկոլ Փաշինյանը 2018թ. նշել էր, որ հայկական ատոմակայանի շահագործման ժամկետը երկարաձգվելու է, իսկ մինչև 2040 թվականը երկրում նոր ԱԷԿ է կառուցվելու:
Մինչ օրս, սակայն, իրականացման փուլում են շահագործման ժամկետի երկարացման ուղղությամբ տարվող աշխատանքները:
Միևնույն ժամանակ հիշեցվում է, որ արդեն երրորդ տարին է, ինչ Թուրքիայում ամբողջությամբ ռուսական միջոցներով կառուցվում է Աքքույուի ատոմակայանը, որն ունենալու է 4800 ՄՎտ հզորություն:
Ռուսաստանից ստացած արտոնյալ վարկի միջոցներով Բելառուսում հիմնվել է նոր ԱԷԿ` 2400 ՄՎտ հզորությամբ:
Ընդգծվում է, որ արդեն 20 տարի Հայաստանում խոսվում է նոր ատոմակայանի մասին, սակայն իրական գործընթացներ այդ ուղղությամբ դեռևս չկա և, հաշվի առնելով նոր ԱԷԿ-ի կառուցման համար անհրաժեշտ ժամանակահատվածը, ենթադրվում է, որ առաջիկա մի քանի տարիների ընթացքում նոր ԱԷԿ Հայաստանը չի ունենա:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…