Թեև Ակադեմիան արդարացմամբ է հանդես եկել՝ նշելով, որ դա երկրպագուների կանխատեսումներն են, բայց օգտատերերի մի մասը ֆավորիտների ցանկն արժանահավատ է համարում:
«Օսկարի» մրցանակ-արձանիկ / © Deadline
Ամերիկյան Կինոակադեմիայի թվիթերյան էջը հրապարակել և նույն պահին հեռացրել է «Օսկար» մրցանակաբաշխության արդյունքները կանխատեսող ցանկը: Մարդիկ արդեն հասցրել են զայրանալ, բայց Ակադեմիան վստահեցնում է, որ երկրպագուների կանխատեսումներն են հրապարակվել, իսկ պատճառ է նշվել բագ-բաունտիի հարթակը: Միևնույն ժամանակ ցանկում հայտնվել են նախորդ մրցանակաբաշխության բոլոր ֆավորիտները՝ ներառյալ՝ «1917»-ը և «Մակաբույծները», Հոակին Ֆենիկսը, Ռենե Զելվեգերը և շատ այլք:
Հրապարակումը Թվիթերում հայտնվել է փետրվարի 4-ին՝ «Օսկարից» մոտ մեկ շաբաթ առաջ: Նույն պահին այն հեռացվել է, սակայն պատկերը տարածվել է համացանցում՝ ««Օսկարի» իմ կանխատեսումները: Ցանկում ներառված են բոլոր անվանակարգերը, այդ թվում՝ գլխավորը, և հնարավոր դափնեկիրները:
Գլխավոր անվանակարգերում անակնկալ չի եղել: Կորեացի ռեժիսոր Պոն Չժուն Խոյի «Մակաբույծները» ֆիլմն արդեն պարգևատրվել է 2019թ. Ոսկե արմավենու ճյուղով. «Ոսկե գլոբուսով», BAFTA-յով և 2020թ. ԱՄՆ կինոդերասանների Գիլդիայով: Գործնականում քննադատները հաստատում են Սեմ Մենդեսի թեկնածությունը՝ որպես լավագույն ռեժիսոր («1917»), Ռենե Զելվեգերին՝ Արթուր Ֆլեկի դերի համար («Ջոկեր»): Այն, որ Ֆենիկսը կստանա իր արժանի մրցանակը, կասկած չի առաջացնում: Մնում է միայն հուսալ, որ նրա ելույթը նույնքան հիշարժան կլինի, որքան SAG Awards-ի ժամանակ, իսկ կուլիսների ետևում դերասանը կրկին ինչ-որ ուշագրավ և անհարմար դրսևորում կունենա, ինչպիսին BAFTA-յից հետո արքայազն Ուիլյամսի համար խոնարհումն էր:
Շուրջ 3,5 մլն հետևորդների մի մասն ամեն դեպքում նկատել է թվիթը և հասցրել զարմանքն արտայատել: Իրավիճակը բացատրելու համար Ակադեմիան նոր հրապարակում է տեղադրել՝ նշելով, որ նախորդ ցանկն իրենցը չի եղել: Ենթադրվում է՝ դա երկրպագուների տարբերակն էր:
Նախորդ հրապարակումներում օգտատերերին իսկապես առաջարկել են իրենց կանխատեսումները գրել: Ենթադրվում է, որ Կինոակադեմիան պատահաբար է հրապարակել ընդհանուր կանխատեսումները՝ առանց մեկնաբանության, ինչի պատճառով հրապարակումն Ակադեմիայի անունից ներկայացվածի տեսք է ունեցել: Լսարանի մի մասին արդարացումը չի համոզել, ոմանց համար նույնիսկ միևնույն է եղել:
Կանխատեսումները կհաստատվեն, թե՝ ոչ, հայտնի կդառնա փետրվարի 9-ին՝ ԱՄՆ-ում: Այս անգամ ևս Կինոակադեմիան հայտարարել է, որ արարողությունն ընթանալու է առանց վարողի, հետաքրքրությունը նվազել է: Մի շարք օգտատերեր հաճույքով առաջարկել են իրենց թեկնածությունը հաջորդ տարվա համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…