Քաղաքագետ Ստեփան Դանիելյանի համոզմամբ` ճանապարհը փակելով ադրբեջանցիները պահանջ են դրել, որը հայկական կողմն իրականացրել է: Նրա խոսքով` տեղի է ունեցել հայ-ադրբեջանական սահմանի այդ հատվածի սահմանազատման ու սահմանագծման գործողությունը։
Ինչպես հայտնի է, Գորիս-Կապան միջպետական ճանապարհի Գորիս-Որոտան և Շուռնուխ-Կարմրաքար հատվածները, որոնք ադրբեջանցիները փակել էին օգոստոսի 25-ի երեկոյան, վերաբացվել են։
Հիշեցնենք, որ ադրբեջանական կողմը ճանապարհի փակումը պատճառաբանել էր, իբր, հայ զինծառայողների կողմից այդ հատվածում ադրբեջանցու դանակահարելու տեղեկությամբ, ինչը Երևանը պաշտոնապես հերքել է: Սակայն շարունակվում են քննարկումները ճանապարհի փակման իրական պատճառների վերաբերյալ:
Քաղաքագետ Ստեփան Դանիելյանի համոզմամբ` ճանապարհը փակելով ադրբեջանցիները պահանջ են դրել, որը հայկական կողմն իրականացրել է: Մասնավորապես, ինչպես նշում է, Ադրբեջանը պահանջել է, որ Հայաստանը պաշտոնապես հայտարարի Գորիս-Կապան ճանապարհի 21 կիլոմետրը, ինչպես նաև երկու գյուղերը որպես Ադրբեջանի տարածք ճանաչելու մասին:
Դանիելյանի խոսքով` պահանջը կատարվել է. վարչապետ Նիկոլ Փաշինյանը հայտարարեց, որ 21 կիլոմետրն Ադրբեջանի տարածք է, որպես Ադրբեջանի տարածք ճանաչեց երկու գյուղերը` օգտագործելով դրանց ադրբեջանական անվանումները։
Տարընթերցումները բացառելու նպատակով, շեշտում է քաղաքագետը, Հայաստանի վարչապետի խոսքերը հստակեցրել են որոշ նախարարներ ու պատգամավորներ։
Դանիելյանի պնդմամբ, այսպիսով, տեղի է ունեցել հայ-ադրբեջանական սահմանի այդ հատվածի սահմանազատման ու սահմանագծման գործողությունը։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…