Վերջին օրվա ընթացքում Չինաստանի մայրաքաղաքում Covid-19-ով վարակվածության 27 նոր դեպք է հաստատվել: Փակվել են մի շարք կրթական, ժամանցային, մարզական հաստատություններ, արգելվել է մուտքը հարևան նահանգներ:
«Սինֆադի» շուկան փակ է / © AAP
Պեկինի «Սինֆադի» մեծածախ շուկայում կորոնավիրուսային վարակի նոր բռնկման պատճառով բարձր ռիսկայնության խմբում գտնվող անձանց արգելվել է դուրս գալ մայրաքաղաքի սահմաններից:
Տաքսիստներին և ուղևորների փոխադրող վարորդներին նույնպես արգելվել է հատել քաղաքի վարչական սահմանը: Պեկինը դադարեցրել է միջքաղաքային ավտոբուսային հաղորդակցությունը հարևան նահանգների՝ Հեբեյի և Շանդունի հետ, իսկ Շանհայի իշխանությունները մայրաքաղաքից ժամանողներից պահանջել են երկու շաբաթով մեկուսանալ:
Մայրաքաղաքում ժամանակավորապես դադարեցվել է նաև տարրական և միջնակարգ դպրոցների գործունեությունը, արգելվել են ժամանցային և մարզական միջոցառումները: Պեկինը իշխանությունները որոշել են փակել ժամանցային բոլոր կենտրոնները, ռեստորանները և այլ մթերային շուկաները:
Հաղորդվում է, որ հունիսի 11-ից մինչ օրս Պեկինում կորոնավիրուս է հաստատվել 106 մարդու մոտ: Վերջին օրվա ընթացքում նոր դեպքերը 27-ն են:
Նախորդ օրերին վարակվածների մեծ մասը կապ ունի «Սինֆադի» մթերային մեծածախ շուկայի հետ. վաճառակետերի աշխատակիցներ են, նրանց հարազատներ ու մտերիմներ: Իշխանություններն ուսումնասիրել են շուրջ 200 հազար մարդու, ովքեր 2 շաբաթվա ընթացքում եղել են շուկայում՝ մինչև փակումը: Նրանց հորդորել են մնալ տանը՝ բժշկական հետազոտության համար, և անցնել կորոնավիրուսի թեստավորում:
Հունիսի 14-ին Չինաստանը հայտարարել էր երկու ամսվա ընթացքում վարակվածության աննախադեպ քանակի մասին: Մայիսին հաղորդվել էր Ցզիլին նահանգում կորոնավիրուսի հիվանդության նոր բռնկման մասին, ինչի պատճառով կարանտինի ներքո է հայտնվել 108 մլն մարդ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…