Իսրայելն արդեն 13 տարի գլխավորում է այն երկրների վարկանիշը, որոնց ռազմական ծախսերն ավելի շատ են, քան՝ քաղաքացիական պահանջմունքները: Նրան հաջորդում են Սինգապուրը և Հայաստանը:
Իսրայելական բանակ / © The Washington Times
Կոնվերսիայի միջազգային կենտրոնը (Բոնն, BICC) հրապարակել է «Ռազմականացման համաշխարհային դասիչ» ամենամյա հետազոտության արդյունքները, որում վերլուծվում են երկրների ռազմական ծախսերի և համախառն ներքին արդյունքի հարաբերակցությունը, բանակի և ծանր զինտեխնիկայի թվաքանակը՝ բնակչության թվի ու առողջապահության ոլորտում զբաղվածություն ունեցողների թվաքանակի համեմատ: Վարկանիշային աղյուսակը 13 տարի շարունակ գլխավորում է Իսրայելը:
Զեկույցի համաձայն՝ Իսրայելն ամենառազմականացված երկիրն է՝ սկսած 2007թ.-ից՝ 20 մլրդ դոլարանոց ռազմական բյուջեով, ինչը նրա ՀՆԱ-յի 5,3%-ն է կազմում: Երկրորդ հորիզոնականում Սինգապուրն է, երրորդում՝ Հայաստանը:
ՀՆԱ-յի մեծ մասը սպառազինության վրա ծախսող երկրների առաջին տասնյակում են Ռուսաստանը, Հունաստանը, Հորդանանը, Բելառուսը, Ադրբեջանը, Կիպրոսը և Հարավային Կորեան: ԱՄՆ-ն, որն աշխարհում ամենամեծ ռազմական բյուջեն ունի՝ 716 մլրդ դոլար, 31-րդ հորիզոնականում է: Չինաստանն իր 230 մլրդ դոլար ռազմական բյուջեով 94-րդ տեղում է: Թուրքիայում ՀՆԱ-յի 1,6%-ն է բաժին ընկնում ռազմական ծախսերին. այս երկիրը նշված ցանկում 20-րդ հորիզոնականում է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…