Ստանիսլավ Զասը հայտարարել է, որ Հայաստանի և Ադրբեջանի միջև իրավիճակի սրումը «սահմանային միջադեպ է և չի համապատասխանում հավաքական պաշտպանության վերաբերյալ ՀԱՊԿ կանոնադրության դրույթներին»:
Ստանիսլավ Զաս / © ՀԱՊԿ
ՀԱՊԿ գլխավոր քարտուղարը հայտարարել է, որ Հայաստանի հարավում Ադրբեջանի հետ սահմանային նոր հատվածներում իրավիճակի սրումը «սահմանային միջադեպ է» և չի համապատասխանում հավաքական պաշտպանության վերաբերյալ ՀԱՊԿ կանոնադրության դրույթներին:
Ստանիսլավ Զասի խոսքով` ՀԱՊԿ-ը գործում է միայն անդամ-երկրներից մեկի նկատմամբ ագրեսիայի, հարձակման դեպքում: Հայ-ադրբեջանական սահմանին, նրա պնդմամբ, «սահմանային միջադեպ է, կրակոցներ չկան, զոհեր չկան, հարցը պետք է լուծել խաղաղ ճանապարհով»:
Զասի գնահատմամբ` հակամարտության էսկալացիա չի դիտարկվում, սակայն առաջիկայում անհրաժեշտ կլինի լուծել սահմանային հարցը, վիճելի հարցերը, նրա խոսքով, պետք է քննարկել «սեղանի շուրջ»:
ՀԱՊԿ ԳՔ-ը նաև նշել է, որ Հայաստանի կողմից մայիսին ներկայացված դիմումից հետո Կազմակերպությունը խորհրդակցություններ է անցկացրել պաշտպանության նախարարների, անվտանգության խորհուրդների քարտուղարների մասնակցությամբ: Նրա խոսքով` քննարկումներ են ընթացել արտգործնախարարների հետ:
Զասի վստահեցմամբ` ՀԱՊԿ-ը մշտապես դիտարկում է Հայաստանի հարավում տիրող իրավիճակը: Դիտորդական խմբի ստեղծման մասին որոշում, սակայն, չի կայացվել: Կազմակերպությունը, գլխավոր քարտուղարի խոսքով, անհրաժեշտ տեղեկատվությունը ստանում է տարբեր աղբյուրներից, այդ թվում` հայկական կողմից և ռուս խաղաղապահներից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…