Նախօրեին տեղի ունեցած երկրաշարժից առաջ անոմալ դրսևորումների քանակը մեծացել էր։ Շեշտվում է, որ դրանք դեռ ավարտված չեն, բայց ուժեղ սեյսմիկ ցնցումների հավանականությունը փոքր է:
Փլվածք` երկրաշարժի հետևանքով / © Hraparak
ՀՀ արտակարգ իրավիճակների նախարարության հաղորդմամբ` նախորդ օրը և կեսգիշերին տեղի ունեցած երկրաշարժերին հաջորդել են մոտ 60 սեյսմիկ իրադարձություններ՝ փետրվարի 5-ից 6-ը` ժամը 11։00-ի դրությամբ: Նշվում է, որ դրանցից 5-ի ուժգնությունը կազմել է M≥2.5, այսինքն`բոլորն էլ ավելի թույլ են եղել, քան առաջին ցնցումը:
Գերատեսչության հաղորդմամբ`ԱԻՆ Սեյսմիկ պաշտպանության տարածքային ծառայությունում շուրջօրյա ռեժիմով կատարվում է Հայաստանի, Արցախի և հարակից տարածքների սեյսմիկ դիտարկում: Առանձնակի ուշադրություն է դարձվել ընթացիկ սեյսմիկ վտանգի գնահատմանը, կատարվել է երկրաֆիզիկական և հիդրոերկրաքիմիական տվյալների վերլուծություն:
Սեյսմիկ մոնիթորինգի ազգային դիտացանցի վերջին տվյալների համաձայն` տեղի ունեցած երկրաշարժից առաջ անոմալ դրսևորումների քանակը մեծացել էր։ Շեշտվում է, որ դրանք դեռ ավարտված չեն։ Նախարարությունը զգուշացնում է, որ ՀՀ և հարակից տարածքներում առաջիկա օրերին սեյսմիկությունը շարունակվելու է դրսևորվել թույլ և միջին ուժի երկրաշարժերի տեսքով: Գնահատելով ստացված տվյալները` համարվում է, որ ուժեղ սեյսմիկ ցնցումների հավանականությունը փոքր է:
Գերատեսչությունը նշում է, որ վաղ գործիքային ժամանակաշրջանում նկարագրվող էպիկենտրոնային գոտում 1933 և 1947 թվականներին տեղի են ունեցել համապատասխանաբար M=5․0 և M=4․8 մագնիտուդներով երկրաշարժեր:
Հիշեցնենք, որ փետրվարի 5-ին, ժամը 19:36-ին, Գեղարքունիքի մարզի Շորժա գյուղից 5 կմ դեպի հյուսիս-արևելք, 10 կմ խորության վրա, գրանցվել էր 4,7 մագնիտուդով երկրաշարժ, որի ուժգնությունն էպիկենտրոնում կազմել է 6-7 բալ: Հաղորդվել է, որ հարակից բնակավայրերում փլուզումներ են տեղի ունեցել. քանդվել են հին կառույցների պատերը: Զոհեր և տուժածներ չկան:
UPD. ԱԻՆ հաղորդմամբ` փետրվարի 6-ին, ժամը 11:49-ին հյուսիսային լայնության 40.53⁰ և արևելյան երկայնության 45.30⁰ աշխարհագրական կոորդինատներով (Հայաստան, Գեղարքունիքի մարզի Շորժա գյուղից 4 կմ հյուսիս-արևելք) օջախի 10 կմ խորությամբ 2,3 մագնիտուդով երկրաշարժ է գրանցվել:
Նշվում է, որ էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է Գեղարքունիքի մարզի Շողակաթ գյուղում` 2-3 բալ ուժգնությամբ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…