Ավստրալիայում տեսախցիկները կհայտնաբերեն սմարթֆոնը ձեռքին վարորդներին

Ավստրալական Հարավային Նոր Ուելս նահանգի կառավարությունը շահագործման է հանձնել առաջին տեսախցիկները, որոնք ինքնուրույն արձանագրում են վարորդի կողմից սմարթֆոնով օգտագործելը՝ մեքենան վարելիս: Համակարգն նեյրոցանցն օգտագործում է կադրերի գնահատման համար և հավանական խախտումների լուսանկարները փոխանցում է ոստիկանությանը:

Առաջին երեք ամիսներին համակարգն աշխատելու է պիլոտային ռեժիմով. վարորդները չեն տուգանվի, միայն կնախազգուշացվեն: Հաղորդվելու է, որ փորձարկումից հետո սահմանվելու են բարձր տուգանքներ. սովորական ճանապարհին խախտման դեպքում վարորդները կտուգանվեն 344 ավստրալական դոլարով (մոտ 110 հազար դրամ)՝ ստանալով 5 տուգանային միավոր: Դպրոցների մոտակայքում խախտում անելու դեպքում տուգանքի չափը կկազմի 457 ավստրալական դոլար կամ մոտ 150 հազար դրամ (10 միավոր):

Համակարգն ինքնուրույն է գտնելու խախտումն անողներին՝ վերլուծելով լուսանկարները, սակայն սխալներից խուսափելու նպատակով վերջնական որոշումը կայացնելու է մարդը: Իշխանությունները վստահ են, որ դրանով կնվազեցվեն ՃՏՊ-ները: Հաղորդվում է, որ անկախ մոդելավորման համաձայն՝ տեսախցիկներն առաջիկա 5 տարիների ընթացքում կարող են կանխել 100 մահացու և լուրջ վթար: