Նախավիրահատական քիմիաթերապիայի շնորհիվ հաջողվել է կանխել ուռուցքի զարգացումը, ինչը թույլ է տվել առավել նպաստավոր պայմաններում իրականացնել նորագոյացության արմատական հեռացում:
Ստամոքսի քաղցկեղը Հայաստանում հաճախ հանդիպող օնկոլոգիական հիվանդություններից է: Մեկ դարից ավելի բուժման լավագույն մեթոդը վիրահատական միջամտությունն է համարվել, երբ զարգացող քիմիաթերապիայի և ճառագայթային թերապիայի հնարավորությունները մեծ չէին:
Հիմնական մեթոդ համարվող և ուռուցքի ու նրա տարածման հնարավոր ուղիների հեռացմամբ սահմանափակվող վիրահատությունը հիմնականում զուգակցվում է քիմիաթերապիայի հետ: Մասնագետները նշում են, որ ստամոքսի քաղցկեղը հիմնականում ախտորոշվում է ոչ սկզբնական փուլում, ոչ առաջին մակարդակում, երբ հնարավոր կլիներ վիրահատությամբ ամբողջովին բուժել:
Նախավիրահատական՝ նեոդյուվանտ, և հետվիրահատական՝ ադյուվանտ քիմիաթերապիան ներկայումս արմատական փոփոխություններ է մտցրել ստամոքսի քաղցկեղի բուժման ոլորտում: Ապացուցված է, որ քիմիաթերապիայի և վիրահատության համատեղման դեպքում բուժման արդյունավետությունն ավելի բարձր է, իսկ կրկնվելու հավանականությունը՝ նվազ:
Հայաստանի «Միքայելյան» համալսարանական կլինիկայի օնկոլոգների և վիրաբույժների խմբի համատեղ աշխատանքի շնորհիվ այդ մեթոդով միջազգային ստանդարտներին համապատասխան բուժումը հնարավոր է դառնում:
Թիմային աշխատանքի լավագույն օրինակներից է, երբ ստամոքսի՝ տեղային տարածմամբ քաղցկեղով հիվանդին ենթարկել են նախավիրահատական քիմիաթերապիայի, ապա վիրահատական բուժում իրականացրել, և պաթոմորֆոլոգիական հետազոտությունը ցույց է տվել, որ ուռուցքը փոքրացել անհետացել է, իսկ հիվանդության զարգացման ընթացքը վերադարձել է նախնական մակարդակի: Նախավիրահատական քիմիաթերապիայի շնորհիվ հաջողվել է կանխել ուռուցքի զարգացումը, ինչը թույլ է տվել առավել նպաստավոր պայմաններում իրականացնել նորագոյացության արմատական հեռացում: Հետվիրահատական քիմիաթերապիան կապահովի առավել կայուն արդյունք՝ ապաքինման առավելագույն հավանականությամբ:
Նշվում է, որ կլինիկայում քիմիաթերապիայի՝ կիրառվող այս սխեման առավել արդյունավետ է, հիվանդների մոտ բարդացումներ չեն լինում, վիրահատությունից հետո արագ են վերականգնվում:
Հաղորդվում է, որ քաղցկեղի բուժման նման մոտեցումը ցույց է տալիս, որ Հայաստանում հնարավոր է կազմակերպել որակյալ բուժում՝ եվրոպական և ամերիկյան չափանիշներով, մասնավորապես Երևանի պետական բժշկական համալսարանի «Միքայելյան» համալսարանական կլինիկայում, ինչը բնակչության համար կարևոր նշանակություն ունի:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…