Թրեդ. օգտատերերի իրական պատմությունները, որոնց դժվար է հավատալ — Շեշտ.am (shesht.am)
16 րոպե
Խմբագրություն

Թրեդ. օգտատերերի իրական պատմությունները, որոնց դժվար է հավատալ

Ներկայացվում է կյանքից վերցված իրական պատմությունների հավաքածու, որը պատկանում է «միևնույն է՝ քեզ չեն հավատա» շարքին:

Իրական պատմության հիման վրա նկարահանված տեսանյութից կադր / ©AMICA

Հունվարի սկզբին կանադացի լրագրող Էյդեն Մոհերը թվիթերյան հետևորդներին խնդրել է պատմել կարճ պատմություններ իրենց կյանքից, որոնք, թվում է, սուտ են, բայց իրականում՝ կատարյալ ճշմարտություն: 3 շաբաթվա ընթացքում թրեդը լրացվել է հարյուրավոր պատմություններով՝ արտասովոր, խենթ, տարօրինակ և միևնույն ժամանակ՝ իրական:

Պատմեք պատմություններ ձեր մասին, որոնք կեղծ են թվում, բայց իրականում ճշմարիտ են:
Ես համաձայնվել եմ ամուսնանալ հանդիպումից 6 ժամ հետո, մենք զրուցել ենք դրա կեսի չափով և գտնվել ենք հասարակական վայրերում: Ես փորձել եմ սիրահետել նրա՝ արդեն զբաղված ընկերոջը, բայց անհաջող:
Երբ 11 տարեկան էի, ընտանիքով անսպասելի մտանք ճապոնական սեքս-սրճարան: Ավելի ուշ իմացանք, որ նրանք ներքևի փողոցի իրական ռեստորանից սնունդ են գնել ու բերել մեզ համար, քանի որ շատ հարգալից էին, որպեսզի մեզ խնդրեին դուրս գանք:
Դեռահասության տարիներին ես ենթարկվել եմ էկզորցիզմի սեանսի:
Նյու Յորքում գտնվելուս երրորդ օրը երկու աշտարակները կործանվեցին: Նյու Օռլեանում՝ երրորդ օրը, Կատրինա փոթորիկն էր: Նեպալից հեռանալուց երեք օր անց ապստամբները ռմբակոծեցին հյուրանոցը:
Ուրբաթ, ամսի 13-ին, դստերս հետ հեծանիվ էի վարում, և մեր առջևով վազեց սև կատու: Աղջիկս ինչ-որ բան ասաց անհաջողության մասին, և երբ ես սկսեցի նրան պատմել սնապաշտության մասին, մեղուն մտավ բերանս և խայթեց կոկորդս:
Մի անգամ եկա տուն ու փողոցում տեսա հետևի ոտքերի վրա կանգնած 3 ջրարջ: Մեկի ձեռքում սուրճի բաժակ կար: Երբ լույսն ընկավ նրանց վրա, երկուսը կանգնեցին 4 ոտքի վրա ու փախան: Սուրճովն ու ես իրար նայեցինք ևս 2 վայրկյան, հետո նա էլ փախավ:
Լողափին ինձ հարվածեց իմ սեփական մեքենան, որի ղեկին 11 ամյա աղջիկս էր: Ինձ հարվածելուց առաջ աղջիկս դուրս նետվեց, մեքենան ընկավ օվկիանոսը: Ես հայտնվեցի հիվանդանոցում, իսկ ինձ փրկեց սանիտարը, ով, պարզվեց, երրորդ պորտի եղբայրս էր, ում մանկուց չէի տեսել:
Ընկերս չէր ուզում մասնակցել իմ երեկույթին՝ գինու համտեսմանը, քանի որ գինի չէր սիրում: Երեկույթին ես սիրահարվեցի այլ տղամարդու, թողեցի մյուսին, ամուսնացա, տեղափոխվեցի: Վերջերս վերադարձա հայրենի քաղաք ու հասկացա, որ ապրում եմ գինու խանութից 5 րոպեի հեռավորությամբ: Նախկին ընկերոջս գինու խանութն էր: Նա այժմ սիրո՛ւմ է գինի:
Քոլեջում ձանձրալի էր, և ես կատվին, ինչպես շանը, հնարքներ սովորեցրեցի: Պատահաբար սովորեցրեցի նաև հեռուստացույցից օգտվել: Մի անգամ եկա տուն ու տեսա միացված TV՝ Animal Planet ալիքի վրա, իսկ հեռակառավարման վահանակը կատվի ձեռքին:
Tinder-ում ծանոթացա մի երիտասարդի հետ և հարցրեցի ազգանունը: Պատասխանեց. «Ուզում ես մի քիչ ստուգե՞լ ինձ: Կարող է պարզես, որ մարդասպան եմ, մոռացիր»: Մտածեցի՝ լավ հումոր է: Google-ում որոնեցի, ու պարզվեց, որ նա իրոք մարդասպան էր:

Հունվարի 10-ին թրեդին միացան ամերիկյան աստղերը՝ մարզիկներ, երաժիշտներ, դերասաններ ու քաղաքական գործիչներ:

Մարկ Հոփուս, Blink 182 խմբի մասնակից. «Ես Հելոուինի երեկույթի էի Քերի Ֆիշերի տանը, իսկ նա արքայադուստր Լեայի հագուստով էր:

Նման թրեդ հայտնվել է նաև ռուսական տիրույթում՝ բլոգեր Յուրի Կրուպենինի շնորհիվ: Նա նույնպես ստացել է բազմաթիվ կարճ պատումներ իրական դիպվածների մասին՝ հանրահայտների հետ հանդիպումներից մինչև տարօրինակ իրավիճակներ:

Ես դուրս մնացի ինստիտուտից ու փորձեցի ընդունվել աշխատանքի: Տարբերակներից մեկը համակարգչային օպերատորն էր՝ բանջարեղենի բազայում, և ծրագրավորողը տիեզերական գիտահետազոտական կենտրոնում: Բանջարեղենի բազայում չվերցրեցին աշխատանքի՝ փորձի պակասի պատճառով, իսկ տիեզերական սարքավորումների համար ծրագիր գրելու ընդունվեցի ակնթարթորեն:
Ապրում էի հանրակացարանում, որոշեցի գնալ խանութ, բայց այնքան չէի ուզում միջանցքում կամ աստիճաններին ինչ-որ մեկին հանդիպել, որ ցատկեցի 3-րդ հարկի պատուհանից: Վնասվեցի, ու չգնացի խանութ, մի քիչ պառկեցի պատուհանի տակ՝ խոտերին, ու վերադարձա տուն:
Մի անգամ ես մերձմոսկովյան անտառում կորցրեցի «ուռած» Անժեյ Սապկովսկուն:
Իմ պատմությունը հավանաբար լավագույնը չէ, բայց մի անգամ Netflix-ի շոուի աճպարարներից մեկն այցելեց իմ թվիթի մեկնաբանություններին՝ իմանալու, թե ինչու ինձ դուր չի եկել իր շոուներից մեկը:
Բարում հատակին հայտնաբերեցինք լուսանկար՝ մի տղամարդու փաստաթղթերի մեջ, գտանք նրան նեյրոցանցի միջոցով և ուղարկեցինք նրա Վկոնտակտեի էջին մի շարք նկարներ, թե ինչպես ենք ծաղրում իր նկարը:
Համադասարանցիս, ում հետ դպրոցում պայթուցիչներ էինք պատրաստում, բանտում է նստած այն բանի համար, որ ռումբ է պատրաստել ու ցանկացել է պայթեցնել Մեծ Բրիտանիայի մզկիթը:
Գնացել էի Չեռնոգորիա հանգստանալու, ընդունարանում մեզ ասացին, որ մեր համարը դեռ ազատ չէ և պետք է 5 օրով տեղավորվենք նախագահական լյուքս համարում՝ 2 հարկ, մեծ պատշգամբով, ջակուզիով ու ծովի տեսարանով: Այն արժեր 900 եվրո օրական և 5 եվրո յուրաքանչյուր գինու շշի համար:
Յուրի Խովանսկին և Դմիտրի Լարինն իմ շնորհիվ են հանրահայտ դարձել. Maddyson.FM-ը ես եմ ստեղծել, որտեղ նրանք սկզբնապես դարձան հայտնի: Կներես ինձ, համացանց:
Մի անգամ Մեդվեդևն իմ ռոուտերից էր օգտվում: Եթե iPhone-ի փոխարեն ուրիշ մոդել լիներ, նրա գաղտնաբառերը կարող էի վերցնել:
Մի անգամ ծնողներս զանգեցին ու ասացին, որ հավաբնում սիրամարգ է հայտնվել ու քշում է աքլորներին:

Պատումներն իրականում ավելի շատ էին. մենք առանձնացրել ենք լավագույնները:

Ամենաընթերցվածը

3 րոպե
Խմբագրություն

Փաստերի ստուգման հարթակն արձանագրում է, որ Ռուսաստանի պաշտպանության նախարարության և Ադրբեջանի նախագահի հայտարարություններն իրականությանը չեն համապատասխանում։

4 րոպե
Խմբագրություն

Զեկույցում ՆԱՏՕ-ի մասնագետները եզրակացնում են, որ «Պանցիրը» և անօդաչուների դեմ պայքարի նույնատիպ համալիրները այլ համակարգերի հետ փոխգործակցության մեջ մարտի դաշտում աճող վտանգ են ներկայացնում դաշնակցային ուժերի համար և պետք է չեզոքացվեն` մինչև ռազմական գործողությունների կիզակետում հայտնվելը:

2 րոպե
Խմբագրություն

Պաշտոնապես հրապարակված հայտարարությամբ` Հանրապետության նախագահը եզրակացրել է, որ «հրամանագրի նախագիծն առերևույթ հակասում է Սահմանադրությանը»: Նշվում է, որ փաստաթուղթն առարկություններով վերադարձվել է:

2 րոպե
Խմբագրություն

Հայկական Pride Systems ընկերությունը Արաբական Միացյալ Էմիրությունների մայրաքաղաք Աբու-Դաբիում ընթացող IDEX-2021 ցուցահանդեսին ներկայացրել է անշարժ թևով և փոփոխվող աղեղնաձև թևերով կամիկաձե դրոնը:

3 րոպե
Խմբագրություն

Փաստերի ստուգման հարթակն արձանագրում է, որ Ռուսաստանի պաշտպանության նախարարության և Ադրբեջանի նախագահի հայտարարություններն իրականությանը չեն համապատասխանում։

3 րոպե
Խմբագրություն

Հայաստանի պաշտպանության նախարարի խոսքով` Ռուսաստանի ՊՆ ղեկավարության կողմից հաշվի են առնվել տարածաշրջանում ստեղծված ռազմաքաղաքական իրողությունները և ձեռնարկվել են քայլեր` բազայի հզորացման ու վերազինման ուղղությամբ, բայց երկրորդ ռազմաբազայի անհրաժեշտություն չկա:

4 րոպե
Խմբագրություն

Նշվում է, որ վերջնական որոշումը պետք է համաձայնեցվի ԱՄՆ-ի հետ: Այս գործընթացի մասն են համարվում նախագահ Արմեն Սարգսյանի հանդիպումները Լոնդոնում: Փարիզին կարող են միանալ նաև Աթենքի ներկայացուցիչները` ռազմական դիտորդների մակարդակով:

1 րոպե
Խմբագրություն

Տեսանյութում երևում է, որ ռուսական 102-րդ ռազմաբազայի ուժերը դուրս են բերվում մշտական տեղակայման վայրից: Գործողությունների պատճառ են համարվում այսօրվանից Կարսի մարզում մեկնարկած թուրք-ադրբեջանական զորավարժությունները:

2 րոպե
Խմբագրություն

Գեղարքունիքի մարզում երկրաշարժը զգացվել է 5-6 բալ ուժգնությամբ, Կոտայքի, Տավուշի, Լոռու և Արարատի մարզերի բազմաթիվ բնակավայրերում՝ 4-6 բալ ուժգնությամբ, Երևան քաղաքում՝ 3-4 բալ ուժգնությամբ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.