ԱՄՆ նախագահին մեղադրում են լիազորությունները չարաշահելու և Կոնգրեսի գործունեությանը խոչընդոտելու համար: Վերջնական որոշումը կկայացնի Սենատը:
Միացյալ Նահանգների Կոնգրեսի Ներկայացուցիչների պալատը կողմ է արտահայտվել նախագահ Դոնալդ Թրամփին իմպիչմենտի (մեղադրանք) ենթարկելու նախագծին՝ լիազորությունների չարաշահման և Կոնգրեսին խոչընդոտելու հոդվածներով:
Իմպիչմենտի վերաբերյալ վերջնական որոշումը վերապահված է Սենատին: Թրամփին պաշտոնանկ անելու համար անհրաժեշտ է ձայների 2/3-ը: Ընդ որում՝ Սենատում «հանրապետականները» մեծամասնություն են (100 մանդատից 53-ը): Վերջիններս չեն ցանկանում Թրամփի հեռացումը, իսկ մեղադրանքի հաստատման համար անհրաժեշտ է առնվազն 67 քվե:
Սպիտակ տանը կոնգրեսմենների որոշումն անվանել են ԱՄՆ-ի պատմության «ամենաամոթալի դրվագներից մեկը»: Թրամփն այն որակել է «քաղաքական ինքնասպանություն՝ դեմոկրատների համար»: ԱՄՆ նախագահը վստահություն է հայտնել, որ Սենատը կարդարացնի իրեն:
ԱՄՆ-ում նախագահի իմպիչմենտ նախաձեռնվել է երեք անգամ, բայց միայն երկուսն է հասել մինչև Սենատ: 1868թ. Էնդրյու Ջոնսոնին մեղադրել են ռազմական նախարարի ապօրինի հեռացման, իսկ 1998թ. Բիլ Քլինթոնին՝ կեղծ ցուցմունքի և արդարադատությանը խոչընդոտելու մեջ: Սենատը, սակայն, չի պաշտպանել Ներկայացուցիչների պալատի մեղադրանքները: Ռիչարդ Նիքսոնը, սակայն, հրաժարական է ներկայացրել մինչ լսումների մեկնարկը:
Սեպտեմբերի 21-ին հաղորդվել էր, որ Թրամփը Զելենսկիի հետ հեռախոսազրույցի ժամանակ խնդրել է ուսումնասիրել Հանթեր Բայդենի հավանական կոռուպցիոն գործունեությունը: Վերջինս Թրամփի մրցակից Ջոզեֆ Բայդենի որդին է: Դրանից երեք օր անց Կոնգրեսում մեկնարկել է այդ խոսակցության կապակցությամբ նախագահին իմպիչմենտի ենթարկելու գործընթացը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…