Նախատեսվում է, որ 2025թ.-ից թռչող մեքենաները խոշոր քաղաքներում մեծ պահանջարկ ձեռք կբերեն. այս երկու հսկաներն արդեն պատրաստվում են դրան:
Թռչող մեքենայի կոնցեպցիա / ©aviationtoday.com
Ամեն օր ամբողջ աշխարհում փողոցներով ընթանում են միլիոնավոր մեքենաներ: Նրանցից շատերը ժամերով կանգնում են խցանումների մեջ՝ անելանելի իրավիճակում: Հրաշալի կլիներ, եթե առաջ գնալու հնարավորություն չունենալու դեպքում մեքենան վեր բարձրանար: Արդեն մի քանի տարի այս ծրագիրն իրականացնելու համար քայլեր են կատարվում, սակայն զգալի արդյունք չկա: Ներկայումս այդ հարցի լուծմանն են լծվել տրանսպորտային 2 հսկաներ՝ Porsche-ը և Boeing-ը:
Տրանսպորտային միջոցներ արտադրողների և ինժեներների համար թռչող մեքենան վաղուց ցանկալի երևույթ է: Այն հնարավորություն կտա բեռնաթափել փողոցները՝ խուսափելով խցանումներից, ինչն այսօր դառնում է համաշխարհային խնդիր:
Ներկայումս թռչող մեքենաների ու տաքսիների կոնցեպտի մշակմամբ զբաղվում են մի շարք ընկերություններ: Նրանց շարքում առաջատարն ու փորձառուն համարվում է Վիրջինիա նահանգում գտնվող Aurora Flight Sciences-ը, ինչպես նաև կալիֆորնիական Kitty Hawk-ը, որի մասնագետներն արդեն մեկ տարի զբաղվում են աերոտաքսիների ստեղծման ծրագրի մշակմամբ:
Porsche-ի ու Boeing-ի կողմից թռչող մեքենայի նախագծման աշխատանքներին ներգրավվել են հենց այդ կազմակերպությունները: Բացի այդ՝ Boeing-ն ավելի վաղ զբաղվել է էլեկտրական թռչող սարքի ստեղծմամբ: Այդ սարքավորումը՝ eVTOL-ը, ունակ է թռիչքն ու վայրէջքն իրականացնել ուղղահայաց: Նրա առաջին փորձնական թռիչքը հաջողությամբ է պսակվել:
Porsche Consulting ընկերության աշխատակիցների կողմից նախորդ տարի կատարված ուսումնասիրությունների արդյունքներով՝ քաղաքների համար թռչող մեքենաները մեծ պահանջարկ ձեռք կբերեն 2025թ.:
Porsche AG ընկերության ղեկավարներից Դետլև ֆոն Պլատենը նախանշել է կորպորացիայի կողմից թռչող մեքենաների արտադրության ռազմավարությունը: Նրա խոսքով՝ ընկերությունը մտադիր է ընդլայնել իր ազդեցությունը՝ որպես սպորտային և պրեմիում դասի մեքենաարտադրող: Ֆոն Պլատենը նշել է, որ հետագայում հնարավոր է յուրացվի նաև երրորդ տարածությունը (օդ. խմբ.), ինչին նպատակաուղղված է երկու խոշոր ընկերությունների համատեղ գործունեությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…