Հաջողված փորձարկումները հաստատել են սարքավորման պատրաստականությունը՝ դեպի Միջազգային տիեզերակայան թռիչք իրականացնելու համար: Այդպիսի առաջին թռիչքն Իլոն Մասկի ընկերությունը նախատեսում է 2020թ. երկրորդ կեսին:
Crew Dragon / ©SpaceX
Մենք արդեն տեղեկացրել ենք, որ հունվարի 19-ին տեղի է ունեցել Falcon 9 հրթիռի փորձնական թռիչքը Crew Dragon տիեզերանավով՝ Կանավերայի հրվանդանից: SpaceX-ը ցանկացել է համոզվել, որ փրկողական համակարգը ճշգրիտ է աշխատում: Crew Dragon-ի՝ կրիչից անջատվելուց հետո ակտիվացել են SuperDraco շարժիչները, որոնց շնորհիվ սարքավորումը հրթիռից հեռացվել է բավականաչափ հեռավորությամբ: Ապա տեղի է ունեցել պայթյունը: Որոշ ժամանակ անց բացվել են անկարգելները, և տիեզերանավը բարեհաջող վայրէջք է կատարել Ատլանտյան օվկիանոսի վրա:
Փորձարկումները նպատակ ունեին ստուգել տիեզերանավի ընդունակությունը՝ վթարային իրավիճակում տիեզերագնացների անվտանգության ապահովման առումով: Հաջողությունը մոտեցնում է առաջին տիեզերական թռիչքը, որը համապատասխանաբար դառնալու է դիմացկունության կարևոր փորձարկում՝ ցույց տալով դեպի Միջազգային տիեզերակայան մշտական թռիչք իրականացնելու Crew Dragon-ի պատրաստականությունը:
Ինչպես ակնկալում են SpaceX-ում՝ տիեզերանավի տեխնիկական պատրաստվածությանը հնարավոր է սպասել փետրվարին կամ մարտին: Առաջին տիեզերական թռիչքը նախատեսվում է 2020թ. երկրորդ կեսին: Ներկայումս սպասվում են թռիչքի ընդհատման տվյալների մանրամասն ստուգումներ:
ԱՄՆ-ի տիեզերական գերատեսչությունում դրականորեն են տրամադրված: Կառույցի ղեկավար Ջիմ Բրայդենստայնը շնորհավորել է SpaceX-ին և NASA-յի ամբողջ թիմին՝ թռիչքի կարևորագույն փուլի կապակցությամբ, ինչն անհրաժեշտություն է եղել: Ավելի վաղ NASA-յի ղեկավարը նշել էր, որ նոր տիեզերանավերի մշակման գործընթացը պետք է արագացնել:
Crew Dragon-ի թռիչքը բազմիցս հետաձգվել է: Նախորդ տարվա դեկտեմբերին հաղորդվել է, որ Իլոն Մասկի ընկերությունը մտադիր է 2020թ. փետրվարին տիեզերք գործուղել Dragon V2 տիեզերանավը՝ անձնակազմով: Իսկ մինչ այդ թռիչքը նախատեսված էր 2019թ. նոյեմբերին:
Crew Dragon-ը կամ Dragon V2-ն իրենից ներկայացնում է բազմակի գործածման տիեզերանավ՝ մշակված NASA-յի պատվերով՝ Commercial Crew Development-ի շրջանակներում (տիեզերագնացներին տիեզերական մասնավոր սարքավորումներով Միջազգային տիեզերակայան գործուղման բազմափուլ ծրագիր):
SpaceX-ի արտադրանքի մրցակիցը Boeing CST-100 տիեզերանավն է, որը մեկնարկային թռիչք է իրականացրել 2019թ. դեկտեմբերի 20-ին: Հաջորդիվ սպասվում է նրա տիեզերական թռիչքը:
Մեծ հաշվով՝ Crew Dragon-ը և Boeing CST-100-ը համարվում են խորհրդային «Սոյուզ» սերիայի տիեզերական սարքավորումների փոխարինողներ: «Սոյուզից» ամերիկացիները ստիպված էին օգտվել Space Shuttle տիեզերանավի՝ շահագործումից դուրս գալուց հետո:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…