Ռազմական փորձագետի համոզմամբ` դեպի Ադրբեջան Թուրքիայի ռազմաօդային ուժերի ռազմատրանսպորտային ինքնաթիռների թռիչքների քանակի կտրուկ աճը խոսում է Անդրկովկասյան տարածաշրջանում Անկարայի` հեռուն գնացող նպատակների մասին:
Վերջին մի քանի ամիսների ընթացքում Թուրքիայի բանակի տրանսպորտային ավիացիայի թռիչքների թիվն էականորեն աճել է: Այդ մասին հավաստում է FlightRadar24 ծառայությունը: Ռազմական փորձագետ Ալեքսեյ Վալյուժենիչի գնահատմամբ` Անկարայի համար Ադրբեջանն Անդրկովկասում առանցքային նշանակություն է ձեռք բերել:
Նրա խոսքով` թուրքական բեռները տեղափոխվում են Ադրբեջանի երեք կարևոր բազաներ` Գաբալա, Լենքորան և Գյանձա: Այս երեք քաղաքներում են գտնվում դեռևս ԽՍՀՄ ժամանակներից պահպանված ռազմական ենթակառուցվածքների կարևորագույն օբյեկտները: Գաբալայում է գտնվում հրթիռային հարձակման նախազգուշացման ռադիոլոկացիոն խոշոր կայանը:
Վալյուժևիչի խոսքով` 2000-ականներին Գաբալայի նկատմամբ հավակնություններ ուներ ԱՄՆ-ը, այնպես որ` այն բավականին արժեքավոր ռազմավարական օբյեկտ է: Այնտեղ, փորձագետի կարծիքով, կարող է և իրավաբանորեն գոյություն չունենալ թուրքական ռազմաբազա, սակայն թուրք սպաները կկարողանան հասանելիություն ստանալ այդ օբյեկտներին, վերակառուցել դրանք և օգտագործել իրենց նպատակներով:
Գյանջան այն քաղաքն է, որտեղից, ռազմական փորձագետի հաստատմամբ, Արցախյան 2-րդ պատերազմի օրերին իրականացվել են թուրքական անօդաչուների թռիչքները: Լենքորանը զորքերի համար կարևոր հարթակ է Կասպից ծովի և միաժամանակ երեք ռազմավարական ուղղությունների` Հայաստանի, Ռուսաստանի և Իրանի նկատմամբ տեսադաշտի առումով: Ընդ որում` փորձագետը պարտադիր չի համարում, որ Անկարան բազաներ կառուցի. «նա կարող է ակնկալել, որ Բաքուն «եղբայրաբար» կկիսվի տեղեկատվությամբ` ի հատուցումն ցուցաբերվող աջակցության:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…