Հետազոտողներին հերթական անգամ զարմացրել է կատուների վարքը. ինչպես պարզվել է, բազմաթիվ դիերի առկայության դեպքում էլ նրանք կարող են մեկ ամիս շարունակ սնվել միևնույն մարմնով:
Կադր «Ընտանի կենդանիների գերեզման» ֆիլմից / ©Paramount Pictures
Հայտնի են դեպքեր, երբ ընտանի կատուները կերել են իրենց մահացած տերերի մարմնի մասեր, թեև մարդու միսը նրանց սննդակարգում ներառված չէ: Մյուս կողմից, ինչպես ցույց է տվել նոր հետազոտությունը, կատուն կարող է ուտել մարդկային միսը, նույնիսկ եթե կան այլ ուտելիքներ, այդ թվում՝ այլ մարդկանց մարմիններ:
Ամերիկյան Կոլորադո նահանգի տարածքում է գտնվում այսպես կոչված «դիերի ֆերման». բնական լաբորատորիա, որտեղ մարդկանց դիեր են: Այնտեղ անցկացվող փորձարկումները գիտնականներին թույլ են տալիս ավելի շատ տեղեկություններ ձեռք բերել: Հետագայում դա կօգնի առավել արդյունավետ հետաքննել հանցագործությունները:
Հետաքննության օբյեկտ կարող են հանդիսանալ այն դիակները, որոնք ավելի վաղ կտակվել են գիտությանը: Ֆերման շրջապատված է 3 մետրանոց պատնեշով՝ փշալարերով՝ նախատեսված դիերը կենդանիներից պաշտպանելու համար: Սակայն, չնայած ուժեղացված պահպանությանը, գտնվում են մարդու մսի սիրահարներ, որոնք պատրաստ են խիզախել: Մասնագետները տեսախցիկներից ստացված տեսանյութում նկատել են թափառող 2 կատվի: Գծավոր և սև կատուն սնվել են դիերով:
Կենդանիներից մեկն ընտրել է 70-ամյա տղամարդու դին, մյուսը՝ 79-ամյա կնոջ: Կատուները սկսել են մարդկանց մարմիններն ուտել, երբ դրանք դեռևս համեմատաբար թարմ են եղել:
Երբ խոսքը գնում է մահացած տիրոջ մասին, ապա ընտանի կենդանիները նախընտրում են շուրթերը, քիթը և ոտնաթաթը: Բայց քանի որ լաբորատորիայում մարմիններն առանց հագուստի էին, կենդանիներն այլ կերպ են վարվել. կատուներին ավելի շատ հետաքրքրել են ուսերը, կրծքավանդակը և փորը: Բացի այդ, երկու կատուներն էլ կերել են ձախ ձեռքի փափուկ մկանները:
Ուսումնասիրությունները ցույց են տվել, որ կենդանիները նույն դին կերել են մեկ ամսից երկար՝ մշտապես վերադառնալով նրան: Եվ դա այն դեպքում, երբ մոտակայքում կային այլ ուտելիքներ, բազմաթիվ՝ 50-ից շատ այլ դիեր՝ նույնիսկ ավելի թարմ: Ի վերջո երկու կատուներն էլ նույն դիերը կերել են մինչև ոսկորները:
Հետազոտության հեղինակներից Սարա Գարսիան նշել է, որ կատուները բավականին քմահաճ սնվողներ են: Երբ նրանք գտնում են ուտելիքը, որն իրենց դուր է գալիս, վերադառնում են դրա մոտ: Այդուհանդերձ՝ գիտնականներին զարմացրել է կենդանիների վարքը. կատուներն իրենց դրսևորել են որպես ակտիվ «մարդասպաններ», այլ ոչ թե՝ լեշակերներ:
Ավելի վաղ մասնագետների մեկ այլ խումբ լայնածավալ դիտարկում էր իրականացրել քաղաքի կատուների նկատմամբ և եկել եզրակացության, որ այդ կենդանիները, չնայած մեր պատկերացումներին, այնքան էլ լավ չեն որսում առնետներին: Իսկ մեկ այլ ուսումնասիրությամբ գիտնականները փորձել են հասկանալ, թե ինչու են կատուները երբեմն խոտ ուտում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…