Վարչապետ Գեորգի Գախարիան հայտարարել է, որ կառավարությունը վճարելու է ամսական մինչև 200 խմ գազ, մինչև 200 ԿՎտ հոսանք սպառող, ինչպես նաև ջրի և աղբահանության բաժանորդների վարձավճարները:
Վրաստանի կառավարությունը կվճարի 3 ամսվա կոմունալները / © RFE/RL
Վրաստանի վարչապետ Գեորգի Գախարիան հայտարարել է, որ Կառավարությունը վճարելու է բաժանորդների մարտ, ապրիլ և մայիս ամիսների գազի, հոսանքի, ջրի և աղբահանության վարձավճարները:
Հաղորդվում է, որ նախագծից օգտվելու են այն բաժանորդները, որոնք մեկ ամսվա ընթացքում սպառել են մինչև 200 խորանարդ մետր գազ և մինչև 200 կիլովատ հոսանք:
Գեորգի Գախարիան նշել է, որ որոշումն ուղղված է յուրաքանչյուր քաղաքացու: Նրա խոսքով` այդ միջոցառումը բավարար չէ, սակայն պետք է կատարվի յուրաքանչյուր քաղաքացու նույնականացում, ով կորցրել է աշխատանքը. դա անհրաժեշտ է անմիջական աջակցության հատուկ միջոցառումներ ձեռնարկելու համար:
Վրաստանի վարչապետը կոչ է արել ռացիոնալ օգտագործել միջոցները, որոնք հաջողվել է բյուջեում մոբիլիզացնել: Նա հիշեցրել է, որ կառավարությունը 2 մլրդ լարի է հատկացրել տնտեսությանը և քաղաքացիներին աջակցելու նպատակով (խմբ.` շուրջ 600 մլն դոլար) և 351 մլն լարի՝ կորոնավիրուսի դեմ պայքարի համար (խմբ.՝ մոտ 100 մլն դոլար):
Նշվում է, որ ճգնաժամային բյուջեում, ըստ վարչապետի, պետք է հավասարակշռել վիրուսի դեմ պայքարի և տնտեսական աջակցության ֆինանսավորումները: Գախարիան նաև զգուշացրել է, որ պետական բյուջեի ծախսերն արմատապես նվազելու են:
Նրա խոսքով` նպատակն այն է, որ վիրուսի դեմ պայքարի արդյունքում տնտեսությունը նվազագույն վնասը կրի: Գախարիան գերատեսչություններին հորդորել է ճգնաժամային բյուջեի միջոցներն արդյունավետ ծախսել: Վարչապետն ընդգծել է, որ կրճատվող ծախսերը մի քանի հարյուր միլիոնն են, որոնց վերաբերյալ քննարկումները շարունակվելու են:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…