«Մարտի 1 vs մարտի 31» մեմը մեծ տարածում է ստացել
Երկու նկարների համեմատությամբ նկարագրվում է մարդկանց վիճակը մարտի սկզբին և վերջին, իսկ դա բավականին երկար ու բարդ ամիս էր ամբողջ աշխարհում:
2020թ. մարտ ամիսն աշխարհում շատ անհաջող էր: Հենց այդ ամսին ԱՀԿ-ն հայտարարեց Covid-19 պանդեմիան, և կորոնավիրուսը «չինական խնդրից» վերածվեց համընդհանուրի: Մարտի 1-ին վարակվածների թիվն 88 հազար էր, իսկ արդեն մարտի 31-ին հասել էր 850 հազարի:
Կորոնավիրուսի պանդեմիային արձագանքել է նաև համացանցը: Ընդհանուր առմամբ՝ 2020թ. համարում են պատմության մեջ վատթարագույնը, իսկ ապրիլին սպասվում է ավելի սարսափելին: Մարտի վերջին սոցցանցերում հայտնվել է «Մարտի 1 vs մարտի 31» մեմը: Օգտատերերը երկու նկարների միջոցով նկարագրում են իրենց վիճակները երկար ու բարդ ամսվա սկզբին ու վերջին:
Այդ ֆորմատը սկզբում Իսպանիայում է հայտնվել, որտեղ արդեն 102 հազարի է հասել կորոնավիրուսով վարակվածների թիվը: Թվիթերի օգտատերերից մեկն իրավիճակը նկարագրել է «Սև հայելի» սերիայի կադրերով. դիպաշարի համաձայն՝ հերուսուհու կյանքն ընդամենը մեկ օրում կործանվում է: Շուտով հայտնվել են նաև այլ օրինակներ, որտեղ արտացոլվում է բուժաշխատողների և ինքնամեկուսացումից գիրացողների վիճակը:
Մի քանի օր հետո ֆլեշմոբը հասել է ԱՄՆ: Մարտի 1-ին ամբողջ երկրում վարակվածները 89 հազարն էին: Ապրիլի 1-ի դրությամբ թիվը դարձել է 190 հազար. վարակվածների թվով ԱՄՆ-ն «առաջատարն» է: Օգտատերերը տեղադրել են միևնույն մարդկանց նկարներ, ովքեր մեկ ամսվա ընթացքում դառնում են «վայրի» կամ ծերանում:
Ապրիլի 1-ի դրությամբ վարակվածների թիվն անցել է 887 հազարից, մահացել է 44264 մարդ:
Մեկնաբանությունները