Գիտական տեսանկյունից՝ երկրաշարժը կանխատեսել հնարավոր չէ. ԱԻՆ Սեյսմիկ ծառայությունը հերքել է տարածվող լուրերը Երևանում սպասվող երկրաշարժի մասին: Ուսումնասիրությունները շենքում դեռ շարունակվում են:
Դալմա Գարդեն մոլի շենքը / ©24TV
Այսօր ժամը 19:30-ի սահմաններում «Դալմա Գարդեն մոլ» առևտրի կենտրոնից հաղորդում են ներկայացրել Արտակարգ իրավիճակների նախարարություն՝ նշելով, որ ցուցափեղկերը շարժվում են: ԱԻՆ-ի տվյալներով՝ այդ պահին երկրաշարժ Հանրապետությունում չի գրանցվել:
Րոպեներ անց կրկին նկատվել է ցնցումների նմանվող երևույթ: ԱԻ նախարար Ֆելիքս Ցոլակյանը հայտնել է, որ դեպքի վայր են մեկնել մասնագետներ՝ տեղանքն ուսումնասիրելու: Նրա խոսքով՝ երևույթը նկատվել է շենքի մի հատվածում, որն ուսումնասիրվում է: Քաղաքացիները տարհանվել են:
Մամուլում տեղեկություններ են տարածվել, թե Հանրապետությունում երկրաշարժ է սպասվում, իսկ առևտրի կենտրոնում տեղի ունեցածը նախացնցում է: Սակայն, ինչպես գիտենք ըստ գիտական տեսակետի, երկրաշարժը կանխետեսելի երևույթ չէ:
Տարածվող լուրերը հերքվել են գերատեսչության կողմից: ԱԻՆ-ի հաղորդմամբ՝ համացանցում լուրերն այն մասին, թե Հայաստանի Հանրապետության տարածքում՝ մասնավորապես Երևան քաղաքում, ուժեղ երկրաշարժ է սպասվում, իրականությանը չեն համապատասխանում: Հաղորդագրության մեջ նշված է նաև, որ խուճապի հիմք չկա:
Հաղորդվում է, որ ցնցումների նմանվող երևույթը տևել է մոտ 30 րոպե: Ուսումնասիրությունները դեռևս շարունակվում են: Առևտրի կենտրոնը հայտնել է, որ հունվարի 10-ին նույնպես փակ է լինելու:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…