Վարչապետը հայտարարել է, որ Հայաստանում կորոնավիրուսի հետ կապված իրավիճակը լավ չէ՝ վարակվածության նոր դեպքերի թիվը կրկին ռեկորդային է: Մահացել է 6 մարդ, առողջացել են 442-ը: Նիկոլ Փաշինյանը խոսել է նաև պատճառների մասին:
Նիկոլ Փաշինյանն իր ֆեյսբուքյան էջում հայտարարել է, որ կորոնավիրուսի «գործերը լավ չեն». Հայաստանում վերջին օրվա ընթացքում հաստատվել է վարակվածության հերթական մեծ թիվը՝ 723: Մինչ օրս հաստատված ամենամեծ թիվը 766 էր:
Վարչապետը, անդրադառնալով վարակի տեմպի աճի պատճառներին, նշել է, որ քաղաքացիները շարունակում են չհետևել սահմանված կարգին՝ չպահպանելով հակահամաճարակային կանոնները:
Փաշինյանի խոսքով՝ քաղաքացիների մեծ մասի մոտ այդպիսի վարքի դրսևորման պատճառներից մեկն այն է, որ հայ ժողովուրդը դարեր շարունակ՝ տարբեր հաշվարկներով 500-600 տարի չի ունեցել պետականություն, և պետական մտածելակերպը դեռ խորթ է շատերի համար: «Պարսկական, Օսմանյան, Ռուսական կայսրությունների լծի տակ, ԽՍՀՄ կազմում, որքան լավ կամ վատ վերաբերված լինենք տվյալ կայսրությանը, այնուամենայնիվ, դա սեփական պետական կառույց չի եղել, այլ՝ օտար»,- նշել է վարչապետը:
ՀՀ Առողջապահության նախարարության հաղորդմամբ՝ նախորդ օրը մահացած 6 պացիենտները եղել են 65 (տղամարդ), 66 (տղամարդ), 69 (կին), 67 (տղամարդ), 69 (կին), 69 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ։
Վերջին 24 ժամում վարակվածների շրջանում այլ պատճառով մահվան 5 դեպք է արձանագրվել: Այդպիսի դեպքերի ընդհանուր թիվը 91 է:
Այսպիսով, հունիսի 13-ի ժամը 11:00-ի դրությամբ Հայաստանում կորոնավիրուսով վարակվածների ընդհանուր թիվը 16004 է: Առողջացել են 6081-ը, մահացել է 264 մարդ: Փաստացի բուժում է ստանում 9568 պացիենտ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…