Հավանական է համարվում, որ վարժանքների «լեռնաանտառային տեղանքը» կներառի Լեռնային Ղարաբաղի` Ադրբեջանի վերահսկողության տակ անցած տարածքները: Ուշագրավ է, որ Ադրբեջանի ՊՆ-ն անցկացվելիք զորավարժություններն անվանում է «հակաահաբեկչական գործողությունների մշակում»:
Ադրբեջանցի զինվորականներ / © rusdialog
Ադրբեջանի զինված ուժերը մարտի 15-ից 18-ը լայնածավալ օպերատիվ-մարտավարական զորավարժություններ են անցկացնելու: Հաղորդվում է, որ դրանց մասնակցելու են 10 հազար զինծառայողներ, շուրջ 100 միավոր տանկեր ու այլ զրահատեխնիկա: Կիրառվելու են տարբեր տրամաչափի հրթիռահրետանային 200 համակարգեր, համազարկային կրակի հրթիռային համակարգեր, մինչև 30 միավոր ռազմական ավիացիա, ինչպես նաև տարբեր նշանակության անօդաչու թռչող սարքեր:
Հայտնի է, որ զորավարժություններն անցկացվելու են լեռնաանտառային բարդ տեղանքում: Հիմնականում ուշադրություն է դարձվելու զորքերի կառավարմանը, անձնակազմին մարտական պատրաստության բերելուն և վերախմբավորումներին, ինչպես նաև համազորային միավորումների, հրթիռային և հրետանային զորքերի, ավիացիայի և հատուկ նշանակության ուժերի միջև փոխգործակցությանը:
Ուշագրավ է, որ Ադրբեջանի պաշտպանության նախարարությունն անցկացվելիք զորավարժություններն անվանում է «հակաահաբեկչական գործողությունների» մշակում:
Հավանական է համարվում, որ «լեռնաանտառային տեղանքը» կներառի Լեռնային Ղարաբաղի` Ադրբեջանի վերահսկողության տակ անցած տարածքները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…