Մարտի 15-ին Ուկրաինայում ծանր ցնցումներ են սպասվում. Գորդոն

Ուկրաինացի հայտնի հրապարակախոս Դմիտրի Գորդոնն առեղծվածային հայտարարություն է արել` նշելով, որ հաջորդ երկուշաբթի աննախադեպ պատմական իրադարձություն է տեղի ունենալու` ցնցում առաջացնելով Ուկրաինայի ժողովրդի մոտ: Հավանական է համարվում պատերազմը Դոնբասի դեմ:

Նորություններ

# Դմիտրի Գորդոն

# Դոնբաս

# Ուկրաինա

Դմիտրի Գորդոն / © Dialog / Հեղինակ՝ անհայտ, լուսանկարը տրամադրել է օգտատերը

Ուկրաինացի հայտնի հրապարակախոս Դմիտրի Գորդոնը հայտարարել է, որ հաջորդ երկուշաբթի օրը` մարտի 15-ին, Ուկրաինայի համար «պատմական իրադարձություն» է տեղի ունենալու, իսկ ժողովուրդը ծանր փորձությունների է բախվելու:

Գորդոնի համոզմամբ` այդ օրը «աննախադեպ տեղեկատվություն» է հրապարակվելու` ցնցում առաջացնելով Ուկրաինայի ժողովրդի մոտ:

Խորհրդավոր հայտարարությունը քննարկման առարկա է դարձել տարբեր հարթակներում, սակայն հստակ մեկնաբանություն չկա, թե հատկապես ինչ է ակնարկել Գորդոնը: Սակայն կարծիքների մեծ մասը եզրահանգում են նրան, որ ուկրաինացիների համար երկուշաբթին ոչ մի լավ բան չի բերելու:

Լրագրողը մտահոգ արտահայտությամբ նշել է, որ չի կարող հայտնել առեղծվածային տեղեկատվությունը հայտարարողի անունը, սակայն ընդգծել է, որ «ովքեր պետք է իմանան, գիտեն»:

Հաշվի առնելով Գորդոնի` ավելի վաղ արված կանխատեսումները` մի շարք լրատվամիջոցներ լրջորեն են վերաբերվում նրա այս հայտարարությանը: Առավել մեղմ «փորձությունների» շարքում նախանշվում է Ռուսաստանի և Ուկրաինայի միջև դիվանագիտական հարաբերությունների խափանումը:

Իսկ կանխատեսումների մեծ մասը վերաբերում են Դոնբասին. ավելի վաղ հնարավոր էր համարվել, որ առաջիկա շաբաթների ընթացքում Ուկրաինան լայնածավալ պատերազմ է սկսելու Դոնեցկի ու Լուգանսկի դեմ: Հնարավոր է համարվում, որ հենց այդ օրը` մարտի 15-ին, ուկրաինական ուժերը կսկսեն հարձակումը:

Վրիպա՞կ գտաք։ Նշեք հատվածը և սեղմեք Ctrl + Enter։