Durango-ի թարմացված SRT Hellcat նոր մոդիֆիկացիան իր դասի սերիական ավտոմեքենաներից ամենահզորն է:
Dodge ապրանքանիշն իրականացրել է Durango քրոսովերի՝ նախատեսված թարմացումը, որի վերջին սերունդը թողարկվել է 2010թ.: Այս ընթացքում մեքենան արդեն մեկ անգամ վերափոխվել է, իսկ 2020թ. տեղի է ունեցել մոդելի երկրորդ մոդեռնիզացումը, որը տեխնիկական փոփոխությունների տեսանկյունից ամենահետաքրքիրն է եղել:
Արտաքինից թարմացված Dodge Durango-ն նախկին տարբերակից կարելի է տարբերել լուսադիոդային լուսարձակներով և վերամշակված լապտերներով, բախարգելով (բամպեր), ինչպես նաև ռադիատորի ցանցային ճաղավանդակով: Սրահում հայտնվել է լիովին նոր առաջնամաս, որի կենտրոնական հատվածը շրջված է դեպի վարորդը:
Ձայնարկիչ նոր համակարգը՝ Uconnect 5-ը, հագեցած է գործառույթներով և աշխատում է նախորդից հինգ անգամ ավելի արագ:
Նորույթի գլխավոր առանձնահատկություններից է SRT Hellcat տարբերակը, որն օժտել են 6,2 լիտրանոց բենզինային Hemi V8 կոմպրեսորով շարժիչով: Ագրեգատի հզորությունը 720 լ/վ է, ինչն ամերիկյան քրոսովերին դարձնում է աշխարհում իր դասի սերիական ավտոմեքենաներից լավագույնը:
Հզորությամբ մոտ մրցակիցը 717-սերիանոց Jeep Grand Cherokee Trackhawk-ը, որի հիման վրա էլ ստեղծվել է Dodge Durango SRT Hellcat-ը:
Նոր մոդիֆիկացիան ավելի հզոր է, քան առավել թանկարժեք 600-անոց Audi RS Q8-ը, 650-անոց Lamborghini Urus-ը և 680-անոց Cayenne Turbo S E-Hybrid-ը, ինչպես նաև մի շարք այլ քրոսովերներ:
Durango SRT Hellcat-ն օժտված է փոխանցման 8-աստիճանանոց ինքնաշխատ տուփով: Մոդիֆիկացիայում ամրացված է նաև թափքը, վերադասավորված է կախոցը՝ ադապտային ամորտիզատորներով, իսկ հաստիքային արգելակները փոխարինված են Brembo-ի՝ առավել հզոր մեխանիզմներով: Հայտնվել է թափքի ավելի ագրեսիվ աերոդինամիկ ծածկոց և սրահում սպորտային հարդարանք:
Լիաքարշակ քրոսովերը 100 կմ/ժ արագությանը հասնում է 3,5 վայրկյանում և կարող է զարգացնել մինչև 290 կմ/ժ արագություն: Մոդելը հնարավոր է պատվիրել նաև 7-տեղանի տարբերակով: Աշխարհի ամենահզոր քրոսովերը գործնականում կարող է ձգել 4 տոննա կշռող կցորդ:
Հաղորդվում է, որ հյուսիսամերիկյան շուկայում Dodge Durango SRT Hellcat-ը կհայտնվի 2021թ. սկզբին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…