Գերձայնային ուղևորափոխադրող ինքնաթիռի տեխնոլոգիաների ցուցադրիչի փորձարկումների ծրագիրը ցանկանում են դարձնել ածխածնային-չեզոք:
Overture / ©Boom
Օդատիեզերական տեխնիկայի մշակմամբ զբաղվող ամերիկյան Boom Supersonic ընկերությունն իր XB-1-ի փորձարկումների ծրագրում կօգտագործի էկոլոգիապես մաքուր ավիացիոն վառելիք: Ածխաթթվային գազի արտանետման վերաբերյալ պարտավորությունը ներառում է վերերկրյա և թռիչքային փորձարկումները, որոնք պետք է անցկացվեն XB-1 ծրագրի գործողության ողջ ընթացքում:
Boom-ի հիմնադիր և գլխավոր տնօրեն Բլեյք Շոլի խոսքով` ածխածնային-չեզոք կոնցեպցիայի կիրառումը թույլ է տալիս հիմքեր դնել գերձայնային քաղավիացիայի կայուն զարգացման համար: Ներկայումս գերձայնային մարդատար ինքնաթիռներ չեն շահագործվում, սակայն ամերիկյան ինքնաթիռաշինարարները պատրաստակամ են ապացուցելու, որ ավիափոխադրումների ապագան կապված է Concorde-ի հետնորդների հետ:
Boom-ի համար էկոլոգիապես մաքուր վառելիք մատակարարելու է Prometheus Fuels ընկերությունը՝ հիմնադրված 2018թ.: Prometheus-ի հայտարարության համաձայն՝ իր տեխնոլոգիան ունակ է արդյունավետորեն դիմակայելու ածխածնի երկօքսիդի արտանետումներին: Սպասվում է, որ XB-1-ի ամառային փորձարկումները կմեկնարկեն այս ամառ. ավելի վաղ այն մտադիր էին անցկացնել 2019թ.:
Գերձայնային XB-1 Baby ցուցադրիչը Boom-ը ներկայացրել է 2016թ. նոյեմբերի 15-ին՝ Դենվերում: Այն ունի 21 մ երկարություն, թևերի 5,2 մ բացվածք, առավելագույն թռիչքային քաշը 6,1 տ է: Հաշվարկային քրեյսերային արագությունը կազմում է 2,2 Մախի միավոր, իսկ թռիչքի հեռավորությունը՝ 1,9 հազար կմ: Ինքնաթիռն օժտված է լինելու 3 հատ General Electric J85-21 շարժիչներով: Տեխնոլոգիաների ցուցադրիչի սրահում կարող է գտնվել անձնակազմի 2 անդամ:
Փորձարկման ծրագրի շրջանակներում մշակված տեխնոլոգիաները կիրառվելու են վերոնշյալ գերձայնային ուղևորատար ինքնաթիռի՝ Overture-ի կոնստրուկցիայում: Այն նախատեսված է առևտրային շահագործման հանձնել 2020-ի կեսերին: Ավելի վաղ հայտնի էր դարձել, որ այն տեղավորելու է 50 մարդու:
Նախորդ տարի NASA-ն հաստատել էր գերձայնային «անձայն» ինքնաթիռի ավարտական հավաքումը: X-59 QueSST-ը կարող են փորձարկել արդեն 2021թ.:
2019թ. հայտնի են դարձել նաև նորույթի տեխնիկական մանրամասները: Թռչող սարքավորումն ունենալու է չափազանց ձգված կառուցվածք, իսկ դիմապակու փոխարեն տեղադրվելու է 4K մոնիտոր. օդաչուների համար տեսանելիությունն ապահովելու են տեսախցիկները: Ռեակտիվ շարժիչները ստանալու են հատուկ ձայնամեկուսիչ ֆիլտրեր:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…