Forbes-ը խորհուրդ է տվել գարնանն այցելել Գյումրի
Զբոսաշրջության ոլորտի փորձագետների կարծիքների հիման վրա կազմված ցանկում 17 ամենագեղեցիկ քաղաքների շարքում է նաև Գյումրին՝ իր կոլորիտով, հյուրասիրությամբ, մշակույթով, բերք ու բարիքով:
Հեղինակավոր Forbes ամսագիրը զբոսաշրջության ոլորտի փորձագետների կարծիքների հիման վրա կազմել է 17 ամենագեղեցիկ քաղաքների ցանկը, ուր գարնանն արժե մեկնել։ Նրանց շարքում է նաև Հայաստանի երկրորդ քաղաք Գյումրին:
Ամսագիրն ուշադրություն է հրավիրում այն հանգամանքի վրա, որ այժմ հնարավոր է բյուջետային ավիաուղիներով Գյումրի մեկնել նաև Գերմանիայից ու Հունաստանից: Նշվում է, որ այժմ Գյումրին հայտնի է ոչ միայն 1988թ. ավերիչ երկրաշարժով, այլև իր ուրույն կոլորիտով ու մշակութային հաստատություններով, համեղ ուտեստներով: Ընդգծվել է նաև գյումրեցիների հումորը:
Հոդվածում որպես Գումրվա առանձնահատկություն են նշվում նաև ցուրտ եղանակի նահանջից հետո բացվող ծաղիկներով, բերք ու բարիքով: Ընդգծում է ՀՀ երկրորդ քաղաքում յուրօրինակ ոճի սրճարանների, խանութների առկայությունը:
Առաջարկվում է Գյումրի այցելել՝ տեղական բուսատեսակներից պատրաստված թեյը վայելելու, արվեստի գործերին ծանոթանալու և պարզապես հանգստանալու համար:
Գյումրիից բացի՝ Forbes-ը խորհուրդ է տալիս գարնանն այցելել նաև Հունզա (Պակիստան), Լոնդոն (Անգլիա), Թբիլիսի (Վրաստան) և այլն:
Մեկնաբանությունները