Դեռևս երկու շաբաթ առաջ «կորոնավիրուսից զերծ» հայտարարված քաղաքում Covid-19-ով վարակվածության նոր դեպքեր են գրանցվել: Դրանով պայմանավորված՝ Յուհանի ամբողջ բնակչությունը կթեստավորվի:
Չինաստանի իշխանությունները նախատեսում են կորոնավիրուսի գերզանգվածային թեստավորում անցկացնել. 10 օրվա ընթացքում ստուգվելու է 11 միլիոն մարդ՝ Յուհանի բոլոր բնակիչները, որտեղից էլ սկիզբ է առել Covid-19-ի տարածումը:
Նման որոշման պատճառը կարանտինից աստիճանաբար դուրս եկող մեգապոլիսում կորոնավիրուսի նոր բռնկումն է: Նոր դեպքերն առայժմ շատ չեն՝ 6-ը, ընդ որում՝ 5-ն առանց ախտանշանների են: Սակայն Յուհանի իշխանություններն անհանգստացած են փաստով, քանի որ ապրիլի 4-ից հետո քաղաքում կորոնավիրուսի գրանցման առաջին դեպքն են:
Ապրիլի 26-ին Յուհանը հայտարարել էին «կորոնավիրուսից զերծ». մեկ օր առաջ հիվանդանոցից դուրս էր գրվել վերջին վարակվածը: Սակայն արդեն մայիսի 9-ին 6 նոր դեպքերից առաջինն է գրանցվել: Նոր վարակվածները բնակվում են միևնույն բնակելի շենքում և, հնարավոր է, հասցրել են վարակել հարևաններին:
Սա նման իրավիճակի առաջին դեպքը չէ, երբ սահմանափակումների աստիճանական նվազեցումն ուղեկցվում է կորոնավիրուսի նոր բռնկմամբ: Այսպես, Սեուլում (Հարավային Կորեա) մինչև հունիսի 7-ը կրկին փակել են ժամանցային կենտրոնները, ռեստորաններն ու բարերը: Պատճառը Covid-19-ի հաստատման 86 նոր դեպքերն են: Նրանցից առնվազն 54-ը կապ են ունեցել 29-ամյա տղամարդու հետ, ով մայիսի 1-2-ին է շրջանից վերադարձել մայրաքաղաք ու այցելել մի քանի ակումբներ:
Վարակվածների թվի աճ նկատվում է նաև Գերմանիայում, որտեղ նույնպես մասնակիորեն հանվում են սահմանափակումները: ԱՀԿ գլխավոր տնօրեն Թեդրոս Ադհանոմ Գեբրեյեսուսը նշել է, որ սահմանափակումների չեղարկումը բարդ գործ է. բարեբախտաբար՝ Չինաստանում, Հարավային Կորեայում ու Գերմանիայում առկա են համակարգեր, որոնք թույլ են տալիս արձանագրել նոր դեպքերը և օպերատիվ կերպով արձագանքել դրանց:
Մայիսի 13-ին աշխարհում կորոնավիրուսով վարակվածների թիվն անցել է 4,3 միլիոնից: Առաջին հորիզոնականում ԱՄՆ-ն է, որտեղ Covid-19-ով վարակված է ավելի քան 1,4 միլիոն մարդ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…