Հյուսիսային Կովկասի դաշնային համալսարանի գիտնականները մշակել են չոր տարածաշրջանների համար տեղումներ առաջացնելու մեթոդ, որը ենթադրում է հատուկ համակարգերի միջոցով ամպերի ջերմացում:
Մոլորակի բազմաթիվ հատվածներում անձրևները հազվադեպ են տեղում. ամպերն այնքան չեն մեծանում, որ բնական անձրև առաջանա, կամ դրանք շատ քիչ են: Սա գյուղատնտեսության համար բազմաթիվ խնդիրներ է առաջացնում, մեծացնում է հրդեհների առաջացման հավանականությունը և, իհարկե, մարդկանց կյանքն առավել անհարմար է դարձնում: Գիտնականները փնտրում են միջոցներ՝ այս խնդիրը ամերի քանակի ավելացմանը նպաստելու և դրանով տեղումների քանակը մեծացնելու համար:
Հայտնի է, որ խնդիրը հնարավոր է լուծել հատուկ քիմիական նյութերի փոշեցրման միջոցով, մասնավորապես՝ դա կիրառվում է Մոսկվայի իշխանությունների կողմից՝ հանդիսավոր արարողություններից առաջ ամպերը ցրելու համար, սակայն այդպիսի մեթոդը բավականին թանկարժեք է: Որպես յուրահատուկ այլընտրանք Հյուսիսային Կովկասի դաշնային համալսարանի մասնագետներն առաջարկել են ամպերի քանակի աճ ստեղծել ջերմության վերգետնյա հզոր աղբյուրների՝ մետեոտրոնների միջոցով:
Կովկասցի գիտնականները նշել են, որ կարող են ստեղծել ջերմային ցայտ, որն ազդում է անմիջապես ամպի վրա: Առաջարկված մեթոդն աշխատեցնելու համար ցայտը պետք է բարձրանա մինչև ամպի ստորին շերտերը՝ Երկրի մակերևույթից շուրջ 3-4 կմ բարձրության վրա: Օդային ցայտի ջերմաստիճանը պետք է 10-20 աստիճանով գերազանցի շրջակա միջավայրի ջերմաստիճանին: Հնարավոր է նաև ավելի բարձր, սակայն այդ դեպքում օդն ավելի չոր կլինի, իսկ այդ մեթոդի համար ցանկալի է, որ այն մնա խոնավ:
Նշված մեթոդն ունի նաև կարևոր պայման: Ամպի ստորին շերտերին հասնելու համար ցայտին պետք է հաղորդել 25-100 մ/վ արագություն, հակառակ դեպքում այն պարզապես կլուծվի օդում: Այդպիսի արագություն կարող են ապահովել տուրբոռեակտիվ շարժիչները, ինչպիսիք ինքնաթիռներն ունեն: Արտառոց համակարգի առաջին փորձարկումներն արդեն իրականացվել են Բուդյոնովսկի վարժարանում: Մասնագետները նախատեսում են հետագայում կատարելագործել իրենց մշակումը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…