Windows 10X-ի թողարկումը հետաձգել են անհամատեղելիության խնդիրների պատճառով
Օպերացիոն համակարգը դուրս կգա հաջորդ տարվա գարնանը և նախատեսված է լինելու մեկ էկրանով համակարգիչների համար: Երկու էկրանի համար նախատեսված 10X-ը կարող է հայտնվել 2022թ.-ից ոչ շուտ:
Նոր օպերացիոն համակարգի թողարկման էական ձգձումը պայմանավորված է կորոնավիրուսի համավարակով: Ի սկզբանե այն նախատեսվում էր այս տարի: Surface-ի և Windows-ի ղեկավար Փանոս Փանայը նշել է, որ երբ իրենք կիսվել են Windows-ի համա երկու էկրանով սարքավորումների նոր կատեգորիայի տեսլականով, դրանից հետո (նախորդ տարվա հոկտեմբերից հետո) աշխարհը փոխվել է:
Ներկայումս Microsoft ընկերությունը ստիպված է փոխել իր բազմաթիվ պրոդուկտները, որպեսզի նրանց օգնությամբ հեռավար աշխատանքը հարմարավետ լինի: Windows 10X-ում ավանդական win32 հավելվածը նույնպես Microsoft-ը վերանայել է: Այդ ամենը պահանջում է օպերացիոն համակարգի մշակման տևական ժամանակ: Բացի այդ, ի հայտ են եկել խնդիրներ նաև Windows 10X-ում win32-ի արտադրողականության հետ կապված խնդիրներ, ինչպես նաև նրանց համատեղելիության խնդիրներ ավելի բարդ ծրագրերում, որոնք ներառվում են օպերացիոն համակարգում:
Microsoft-ը նաև աշխատում է Windows 10-ի անհատական ինտերֆեյսի բարելավման ուղղությամբ, որոնք, օրինակ, արդեն հայտնվել են «Մեկնարկ» մենյուի, ինչպես նաև ծրագրերի ու հավելվածների նոր պատկերանիշերի տեսքով:
Մեկնաբանությունները