Ռուսաստանի ՊՆ-ը հայտարարել է կորոնավիրուսի պատվաստանյութի ստեղծման մասին

Փորձարկումներին մասնակցել են երկու խումբ կամավորներ, ովքեր կորոնավիրուսի նկատմամբ իմունիտետ են ստացել: Դուրս գրվելուց հետո բոլորն իրենց լավ են զգացել:

Գիտություն

# COVID-19

# Պատվաստանյութեր

# Ռուսաստանի ՊՆ

ՌԴ ՊՆ-ն հայտարարել է պատվաստանյութի ստեղծման մասին / © Egor Aleyev/TASS / Հեղինակ՝ անհայտ, լուսանկարը տրամադրել է օգտատերը

Ռուսաստանի Պաշտպանության նախարարությունից հայտարարել են, որ Ռուսաստանում կորոնավիրուսի դեմ առաջին պատվաստանյութն արդեն պատրաստ է: Այն մշակել են ռազմական վիրուսաբանները և Գամալեի անվան ազգային հետազոտական կենտրոնի գիտնականները:

Հաղորդվում է, որ մասնագետների ու գիտնականների կողմից փորձարկումների արդյունքների վերջնական գնահատականները տրված են: Փորձարկումներին մասնակցած բոլոր կամավորները, ովքեր կորոնավիրուսի դեմ իմունիտետ են ստացել, դուրսգրման պահին իրենց լավ են զգացել:

Պատվաստանյութի փորձարկումներին մասնակցել են երկու խումբ կամավորներ, որոնք դուրս են գրվել հուլիսի 15-ին և 20-ին: Սեչենովի անվան բժշկական ինստիտուտում, որտեղ նույնպես պատվաստանյութի հետազոտություն է կատարվել, նշել են, որ իմունիտետը ձևավորվում է մի քանի օր անց, բայց դեռ հայտնի չէ, թե ինչ տևողությամբ է այն իր արդյունավետությունը պահպանում:

Ավելի վաղ հաղորդվել է, որ դեռևս ապրիլին ռուսաստանցի գործարար և քաղաքական էլիտայի մի քանի հարյուր ներկայացուցիչներ հասանելիություն են ստացել փորձնական պատվաստանյութին, որը մշակվել էր Գամալեի անվան ինստիտուտում: Նշվել է, որ դեղամիջոցն ընդունելուց հետո նրանց ջերմությունը բարձրացել, մկանների ցավ է սկսվել: Այս տեղեկությունը, սակայն, պաշտոնապես հերքվում է:

Վրիպա՞կ գտաք։ Նշեք հատվածը և սեղմեք Ctrl + Enter։