Կավճի դարաշրջանում Հարավային բևեռային շրջանում գտնված տարածքից հանված նստվածքային ապարները բազմատեսակ բուսականության մնացորդներ են պահպանել՝ ցույց տալով, որ հեռավոր անցյալում այստեղ արևադարձային խիտ անտառ է սփռված է եղել:
Կավճե դարաշրջանում Երկրի մթնոլորտում ածխաթթու գազն ավելի շատ է եղել, քան ներկայումս, և այն հանդիսացել է մոլորակի պատմության ամենատաք ժամանակաշրջանը: 2017թ. RV Polarstern նավով Անտարկտիդա ուղևորված հետազոտական արշավախումբը տվյալներ է հավաքել այն մասին, թե ինչ տեսք է ունեցել հարավային մայրցամաքը շուրջ 90 միլիոն տարի առաջ:
Ջերմասեր բույսերի բազմաթիվ սերմեր և ծաղկափոշի հայտնաբերվել է Անտարկտիդայի այն հատվածից վերցված նմուշներում, որը կավճե դարաշրջանում Հարավային բևեռից ընդամենը 900 կմ հեռավորության վրա է գտնվել: Ամենայն հավանականությամբ, ըստ Յոհան Կլագեի և նրա բևեռային արշավախմբի (PS104) գործընկերների, այն ժամանակ այդ տարածքը ծածկված է եղել խոնավ, բազմատեսակ արևադարձային անտառով:
RV Polarstern-ն աշխատել է Անտարկիկայի արևմուտքում գտնվող Ամունդսենի ծովում՝ հարավային լայնության 73,5°-ում: Ստորջրյա MARUM MeBo70 հեռակառավարվող հորատիչ սարքավորման օգնությամբ գիտնականները ծովի հատակից 80 մետր խորությունից նստվածքային հանքատեսակներ են ստացել: 30 մետր խորության վրա գտնվել են կավճե դարաշրջանի մնացորդները. այդ ժամանակ այս շրջանը գտնվել է 82° լայնությունում, ծովի մակարդակից բարձր է եղել՝ հանդիսանալով ներկայումս անհետացած Զելանդիա մայրցամաքի մասը:
Նշվում է, որ հյուսիսային լայնության 80-րդ զուգահեռականն անցնում է բևեռային շրջագծից վեր՝ Սառուցյալ օվկիանոսով: Սակայն Հարավային ծովից վերցված նմուշներում հետազոտողները նույնականացրել են ավելի քան 62 հնագույն բուսականության ծաղկափոշու ու սերմերի քարացած մասնիկներ, ինչպես նաև արմատային քարացած համակարգի բեկորներ: Դրանք ապացուցում են, որ այդ հեռավոր դարաշրջանում այս բևեռային լայնություններում սփռված է եղել խիտ անտառ, ինչպիսին ներկայումս առկա է Նոր Զելանդիայում:
Կլագեն և մյուս համահեղինակները մոդելավորել են այդ շրջանի կավճե դարաշրջանի կլիման՝ համարելով, որ տարեկան միջին ջերմաստիճանն այստեղ պետք է որ շատ բարձր չլիներ. մոտ 13°С: Սակայն այն տարածաշրջանում, որտեղ բևեռային գիշերը ձգվում է տարվա մեջ 4 ամիս, դա անսպասելի է: Գիտնականների գնահատմամբ՝ այստեղ նման ջերմաստիճանի պահպանման համար անհրաժեշտ էր, որ Երկրի մթնոլորտում ջերմոցային ածխաթթու գազը կազմեր մոտ 1120-1680 միավոր միլիոնում (ppm)՝ ներկայիս 415 ppm-ի փոխարեն:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…