Գիտական տեղեկատվության հրատարակումների ոլորտում արտասահմանում մեծ հաջողությունների հասած Մարտիրոսյանի խոսքով` Արցախյան 44-օրյա պատերազմից հետո ամենաբարձր մակարդակով ընդգծվում է Հայաստանում գիտության և գիտական մտքի զարգացման անհրաժեշտությունը, սակայն դա, նրա համոզմամբ, անհնար է իրագործել առանց այն անձանց, ովքեր ցանկություն կունենան գիտությամբ զբաղվել:
Naked Science գիտահանրաճանաչ պարբերականի հիմնադիր Ռուսլան Մարտիրոսյանը դիմում է ներկայացրել ՀՀ կառավարություն` առաջարկելով աջակցել իրեն` ստեղծելու Հայաստանում առաջին գիտահանրաճանաչ կայքը:
Գիտական տեղեկատվության հրատարակումների ոլորտում արտասահմանում մեծ հաջողությունների հասած Մարտիրոսյանի խոսքով` Արցախյան 44-օրյա պատերազմից հետո ամենաբարձր մակարդակով ընդգծվում է Հայաստանում գիտության և գիտական մտքի զարգացման անհրաժեշտությունը, սակայն դա, նրա համոզմամբ, անհնար է իրագործել առանց այն անձանց, ովքեր ցանկություն կունենան գիտությամբ զբաղվել:
Մարտիրոսյանը շեշտել է, որ Հայաստանում մինչ օրս չկա ոչ մի գիտահանրաճանաչ կայք, որը կկարողանա մասնագիտորեն գրել գիտության մասին: Մինչդեռ գիտության հետ առաջին ծանոթությունը, ինչպես նշում է դիմումում, տեղի է ունենում և գիտության նկատմամբ սեր է ձևավորվում գիտահանրաճանաչ կայքերի օգնությամբ, որոնք կարող են մատչելի լեզվով պատմել գիտական բարդ երևույթների մասին:
Մարտիրոսյանի խոսքով` նախագիծն իրագործելու համար Կառավարությունից դրամաշնորհ է ակնկալում, որը, սակայն, անհրաժեշտ է բացառապես տարածքի վարձակալության, հիմնական միջոցների ձեռքբերման և աշխատավարձային ֆոնդի համար: Նախատեսվում է Հայաստանում ստեղծել բարձր որակավորմամբ մինչև 10 աշխատատեղ:
Անձամբ Մարտիրոսյանը պատրաստականություն է հայտնել ներդնել է գիտելիքները, փորձը, ժամանակն ու կարողությունները, տեխնիկական սպասարկման համար անհրաժեշտ միջոցները` հայալեզու կայքի ստեղծման և պահպանման համար: Միաժամանակ նշել է, որ նախագծի կայացումից հետո դրամաշնորհը վերադարձնելու է:
Ընդգծում է նաև, որ նախագծի իրագործման համար չի ցանկանում դիմել այլ հովանավորների, ովքեր կթելադրեն կայքի բովանդակությունը:
Ռուսլան Մարտիրոսյանը նշել է, որ բարձր է գնահատում գիտահանրաճանաչ կայքի առկայությունը հասարակության զարգացման գործում: Նրա համոզմամբ` եթե Հայաստանում մինչև կորոնավիրուսի տարածումը ստեղծված ունենար գիտության մասին գեթ մեկ հանրահայտ կայք, ապա հնարավոր է` Covid-19-ին չհավատացող և դավարդության տեսությունների վստահող մարդկանց թիվն ավելի քիչ լիներ:
Նրա խոսքով` սա ազգային անվտանգության հարց է. շեշտում է, որ ավելի քիչ զոհեր կլինեին, վարակվածները քիչ կլինեին նաև պատերազմի ժամանակ:
Naked Science-ը համացանցի ռուսախոս տիրույթում ամենաշատ ցիտվող գիտահանրաճանաչ կայքերից մեկն է` համաձայն Մեդիալոգիայի, իսկ ըստ Յանդեքսի` ամենաշատ այցելություններ ունեցողներից մեկը` ամսական ավելի քան 2 մլն անհատ օգտատերերի լսարանով:
Նախագիծը վերջերս արժանացել է Ալեքսանդր Բելյաևի անվան մրցանակի, իսկ հեղինակները հայտնվել են «Տարվա գիտական լրագրող» հեղինակավոր պարգևի Շորտ լիստում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…