Արցախում նոր պատերազմի մասին խոսակցություններն անհիմն շշուկներ են. Արայիկ Հարությունյան
Արայիկ Հարությունյանը հայտարարել է, որ Արցախում նոր պատերազմի հավանականության մասին խոսակցություններն անհիմն են և ավելի շատ միտված են բնակչության շրջանում խուճապային տրամադրությունների ստեղծմանը:
Արցախի նախագահ Արայիկ Հարությունյանը հայտարարել է, որ Արցախում նոր պատերազմի հավանականության մասին խոսակցություններն անհիմն են և ավելի շատ միտված են բնակչության շրջանում խուճապային տրամադրությունների ստեղծմանը:
Հարությունյանն ընդգծել է, որ Արցախը չի հրաժարվելու անկախության ճանապարհից և, երկարատև ժամանակահատվածում իրականացնելով տնտեսական զարգացման ծրագրեր, կառուցելու է իր անվտանգության համակարգը` Պաշտպանության բանակի ու ռուսական խաղաղապահ զորակազմի աջակցությամբ:
Արցախի պետական եկամուտների կոմիտե կատարած այցելության ժամանակ Հարությունյանը ներկաների հետ քննարկել է երկրում ստեղծված հետպատերազմական իրավիճակը, առկա խնդիրների հաղթահարման եղանակներն ու հեռանկարները:
Նա հասարակությանը կոչ է արել բոլոր ջանքերը միասնականորեն ուղղել պատերազմի հետևանքների վերացման և պետության անվտանգային ու սոցիալ-տնտեսական երկարաժամկետ զարգացման գործին:
Մեկնաբանությունները