Ռուսաստանի հարավում գտնվող թռչնաֆաբրիկաներից մեկի թվով յոթ աշխատակիցների մոտ նոր տեսակի թռչնի գրիպ է հայտնաբերվել: Սա գրանցված առաջին դեպքն է, երբ վիրուսը թռչնից մարդուն է փոխանցվել:
Ռուսաստանում մարդկանց մոտ A (H5N8) թռչնագրիպ են հայտնաբերել / © РИА Новости
Ռոսպոտրեբնադզորի ղեկավար Աննա Պոպովան նշել է, որ սա առաջին հաստատված դեպքն է, երբ մարդը վարակվել է թռչնի գրիպի A (H5N8) վիրուսով: «Վեկտոր» կենտրոնի գիտնականները վիրուսը հայտնաբերել են այն ընկերության աշխատակիցների մոտ, որտեղ 2020թ. դեկտեմբերին թռչնագրիպի բռնկում էր գրանցվել:
Նշվում է, որ մարդկանց և կենդանիների պաշտպանության ուղղությամբ կարճ ժամանակում միջոցներ են ձեռնարկվել, բոլոր վտանգները հասցվել են նվազագույնի, և իրավիճակը հետագա զարգացում չի ունեցել:
Հաղորդվում է, որ յոթ աշխատակիցներն իրենց լավ են զգում, կլինիկական բուժումը թեթև է անցել: Սակայն գիտնականները նրանց օրգանիզմներում փոփոխություն են նկատել. բոլորի մոտ իմունային պատասխան է ձևավորվել: Աշխատակիցների հիվանդացությունը ներկայումս անցել է:
Վերահսկողական մարմնի ղեկավարը շեշտել է, որ թեև վիրուսը միջտեսակային արգելքը հաղթահարել է` թռչնից փոխանցվելով մարդուն, սակայն մարդուց մարդուն փոխանցվելու դեպքեր չեն գրանցվել: Ռուսաստանն այս դեպքի առիթով տեղեկացրել է Առողջապահության համաշխարհային կազմակերպությանը:
«Վեկտոր» կենտրոնն արդեն GISAID միջազգային բազայում տեղակայել է A (H5N8) վիրուսի լիագենոմային սեքվենավորման տվյալներն այն մուտացիաներով, որոնք վիրուսին թույլ են տվել հաղթահարել միջտեսակային արգելքը:
2020թ. աշխարհի 41 երկրներում գրանցվել են թռչնագրիպի բարձրպաթոգենային 1,5 հազար օջախներ, դրանցից 1127-ը` եվրոպական երկրներում: Սակայն Ռուսաստանում գրանցված դեպքը, երբ թռչնից մարդուն է փոխանցվել, աննախադեպ է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…