Կլիմայական փոփոխությունները մեծացնում են բազմամյա սառույցների միջից սիբիրյան խոցի, հնագույն էկոհամակարգերի մասնիկների՝ բակտերիաների ու վիրուսների «ազատագրման» վտանգը:
Բազմամյա սառածության հալոցքը վտանգավոր է / © ЯСИА
ՌԴ գիտությունների ակադեմիայի ՀՌՕ Աշխարհագրության խաղաղօվկիանոսյան ինստիտուտի Հյուսիս-արևելյան փորձագիտական կայանի ավագ գիտաշխատող Սերգեյ Դավիդովը հայտարարել է, որ գլոբալ տաքացման հետևանքով սառածության հալոցքը կարող է հանգեցնել նրան, որ հնագույն էկոհամակարգերի մասնիկները, այդ թվում՝ վիրուսները, դուրս գան մակերես:
Նրա խոսքով՝ Ռուսաստանի տարածքի ավելի քան 10%-ում բազմամյա սառածություն է: Դրանցում կան նյութեր, որոնք արդեն միլիոնավոր տարիներ սառած են: Գիտնականը նշել է, որ հալոցքի դեպքում կարող է վերականգնվել այն ամենը, ինչ նախկինում է եղել. մամոնտային էկոհամակարգ՝ մամոնտներով, ոչխարակովերով, բրդոտ ռնգեղջյուրներով, որտեղ գոյություն են ունեցել նաև վիրուսներ: Հաղորդվում է, որ հետազոտողները ներկայումս նոր վիրուսներ են հայտնաբերում, որոնք «մարդկանց վրա ուշադրություն չեն դարձնում»: Դավիդովը հայտնել է, որ հյուսիսսիբիրյան յուկագիր ժողովրդի թիվը պակասել է սև ծաղիկ հիվանդության հետևանքով: Գիտնականը չի բացառել, որ այդ վիրուսը կարող է ինչ-որ տեղ սառույցներում պահպանված լինի, ուստի նա անհրաժեշտ է համարել ուսումնասիրել նախկինում բռնկված համաճարակները:
Բացի այդ՝ Դավիդովը նշել է, որ մամոնտների մնացորդներում հայտնաբերվել է սիբիրյան խոց: ՌԴ ԳԱ Սիբիրյան բաժանմունքի Մելնիկովի անվան սառցագիտության ինստիտուտի գիտական հարցերով տնօրենի տեղակալ, ՀԱԴ համալսարանի բնական գիտությունների ինստիտուտի BEST միջազգային գիտակրթական կենտրոնի բիոգեոքիմիայի և կլիմատոլոգիայի ոլորտի առաջատար գիտաշխատող Ալեքսանդր Ֆյոդորովը հաղորդել է, որ Յակուտիայում կլիմայական փոփոխությունները մեծացնում են գերեզմաններից սիբիրյան խոցի և հնագույն բակտերիաների «ազատագրման» վտանգը:
Ֆյոդորովի խոսքով, սակայն, այդ խնդիրները նախկինում էլ եղել են, մինչև կլիմայական տաքացումը: Գետերի հունային գործընթացները հաճախ թաքցրել են այդպիսի գերեզմանները: Իսկ կլիմայի տաքացմամբ այդ վտանգն ավելի է մեծացել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…