Յամալի երկրամասում գազային արտանետման ձագարը վերջերս է առաջացել: Գիտնականներն անհանգստանում են, որ նման խառնարաններ կարող են առաջանալ գազատարների, արտադրամասերի կամ բնակավայրերի մոտ:
Ձագարաձև խառնարան / © Вести Ямал
Շուրջ 50 մետր խորությամբ գլանաձև հսկայական խառնարանը պատահաբար հայտնաբերվել է «Вести Ямал»-ի նկարահանող խմբի կողմից՝ Յամալի երկրամասում (Սիբիր), ինչից հետո այդտեղ են ժամանել գիտնականները՝ նորահայտ երևույթն ուսումնասիրելու: Հրապարակումներում այն ստացել է «Դժոխքի դարպաս» անվանումը:
Համարվում է, որ նման ձագարների առաջացումը տեղի է ունենում մակերևույթի ներսում հալչող հավերժական սառցաշերտի խորշերում մեթանի կուտակման հետևանքով: Կուտակված գազը մինչև 12 մթնոլորտ ճնշման ուժ է հավաքում և հաղթահարում հավերժական սառցաշերտը: Սառույցի և գրունտի մեծ բեկորներն էպիկենտրոնից մի քանի հարյուր մետր հեռու են թռչում: Ձևավորվում է գլանաձև ձագար՝ մինչև 100 մետր խորությամբ և կատարյալ շրջանաձև կողքերով:
Տեխնիկական գիտությունների դոկտոր Վասիլի Բոգոյավլենսկին նշել է, որ այն յուրահատուկ է: Հորը հավելյալ գիտական հսկայական տեղեկատվություն է պարունակում, որը, սակայն, գիտնականը դեռևս չի ցանկացել բացահայտել՝ նախատեսելով գիտական հրապարակումների համար: Նրա խոսքով՝ առկա նյութերը պետք է վերլուծել, կառուցել եռաչափ մոդելներ:
Գիտական գրանցամատյաններում մարմնին տրվել է 17 համարը: Յամալում 2014թ.-ից սկսած հայտնաբերված, ուսումնասիրված և փաստաթղթավորված նման ձագարները հենց 17-ն են: Նրա յուրահատկությունը ոչ միայն մեծ տրամաչափի ու խորության մեջ է, այլև հետագա հետազոտությունների համար պահպանվածությունը:
Գիտնականն ավելի վաղ հաստատել էր, որ մարդու գործունեությունը, ինչպիսին է գազի արդյունահանումը Յամալի հսկայական պահուսներից, կարող է ձագարների առաջացման հանգամանքներից մեկը լինել: Նա անհանգստություն է հայտնել էկոլոգիական աղետի վտանգի առումով, եթե խառնարանները կուտակվեն գազատարների, արտադրական ձեռնարկությունների կամ բնակելի շրջանների մոտակայքում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…