ԱՄՆ-ում և հարակից շրջաններում մոտ 30 մարդ է մահացել, ավերվել են տներ, հրդեհ է բռնկվել քիմիական գործարանում:
Օգոստոսի 27-ին «Լաուրա» փոթորիկն ավերածություններ է գործել Լուիզիանա նահանգում: Մինչ այդ այն անցել է Կուբայով, Հայիթիով և Դոմինիկյան Հանրապետությունով: Աղետի հետևանքով մահացել է 27-30 մարդ: ԱՄՆ-ում փոթորիկի առաջին զոհը 14-ամյա աղջիկ էր. նրանց տան վրա ծառ էր ընկել:
Լուիզիանայի նահանգապետ Ջոն Բել Էդվարդսը «Լաուրան» անվանել է նահանգին պատուհասած ամենաավերիչ փոթորիկը: Հաղորդվում է, որ «Լաուրան» իր ծավալներով գերազանցել է 2005թ.-ի «Կատրինին», որը մինչ օրս համարվել է ԱՄՆ-ի պատմության ամենակործանարար փոթորիկը:
Հիմնական վնասները հասցրել է 241 կմ/ժ արագությամբ սլացող քամին: «Լաուրան» 5 բալանոց սանդղակում ստացել է 4-րդ մակարդակը: Ամենաբարձր միավորը՝ 5-ը, ստանում են 250 կմ/ժ-ը գերազանցող փոթորիկները:
Դոնալդ Թրամփը Լուիզիանայում, Տեխասում և Պուերտո Ռիկոյում արտակարգ դրություն է սահմանել դեռ օգոստոսի 25-ից՝ այն բանից հետո, երբ փոթորիկը հասավ Կարիբներ: Սկսվել էր բնակչության տարհանումը: Չհեռացածներին խնդրեցին ապաստարանները մտնել: Փոթորիկն իր ճանապարհին ավերում էր էլեկտրահաղորդիչները, ճանապարհներն ու կամուրջները, բազմաթիվ կառույցներ: Լուիզիանա, Տեխաս, Արկանզաս նահանգներում ավելի քան 700 հազար տուն մնացել է առանց հոսանքի:
Փոթորիկի հետևանքով հրդեհ է բռնկվել BioLab քիմիական գործարանում:
Օրվա վերջում փոթորիկը սկսել է մեղմանալ և շարժվել է դեպի հյուսիս՝ Արկանզաս նահանգ: Ներկայումս «Լաուրան» դասակարգվում է որպես արևադարձային մրրիկ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…