Volvo ընկերության գնահատմամբ՝ նախորդ կես դարում Նիլս Բոլինի հեղինակած եռակետ գոտու շնորհիվ միլիոնավոր կյանքեր են փրկվել:
Ամրագոտի / © Max Pixel
1985թ. Արևմտյան Գերմանիայի Արտոնագրային բյուրոն Միջազգային արտոնագրային համաժողովի շրջանակներում նշել է մարդկության համար ամենակարևոր 8 հայտնագործությունները: Նրանց շարքում է եղել նաև շվեդ ինժեներ Նիլս Բոլինի գյուտը:
Այն ժամանակ, երբ Svenska Aeroplan Aktiebolaget (SAAB) գործարանի իր գործընկերները երազում էին ստեղծել հզոր և արագընթաց ինքնաթիռներ, Նիլսը ցանկանում էր օդաչուների համար անվտանգ պայմաններ ստեղծել:
1956թ. Ford ավտոմեքենաներում հայտնվեց աննախադեպ գործառույթ. անվտանգության երկկողմ գծային գոտի, որի հեղինակները Լիգոն եղբայրներն էին: Բախման դեպքում այդ գոտին վարորդին թույլ չէր տալիս հարվածել դիմապակուն, սակայն երբեմն վնասվածքներ էր պատճառում որովայնի հատվածում: Այդ գյուտը տպավորել էր Volvo ընկերության ղեկավար Գունար Ինգելաուին. նա որոշել էր Volvo մեքենաները դարձնել ամենաանվտանգը: Այդ նպատակով նրան անհրաժեշտ էր մեկը, ով հմուտ էր անվտանգության համակարգերի ոլորտում՝ ավիացիայում: Հրավիրվեց Նիլս Բոլինը:
Նրա առջև դրված խնդիրը բարդ էր: Բոլինը հետագայում պատմել է, որ օդաչուները պատրաստ էին ամեն ինչ կրել՝ հանուն իրենց անվտանգության համար, սակայն վարորդներն այլ մոտեցում ունեին: Մեկ տարվա փնտրտուքից հետո Բոլինը հնարեց անկյունաձև՝ կրծքավանդակը և ուսերը պահող, ազդրերը շրջանցող գոտի: Լուծումը հարմարավետ էր, քանի որ հնարավոր էր մեկ ձեռքով անցկացնել այն, ինչը կարևոր նշանակություն ունեցավ: Ավելի ուշ հեղինակը խոստովանել էր, որ իր ստեղծած ամրագոտին մեծ ճանաչում է ստացել ինչպես հարմարավետության, այնպես էլ անվտանգության համար:
1959թ. եռակետ գոտիները հայտնվեցին Volvo-յի 2 մոդելների՝ P120 Amazon-ի և PV544-ի մոտ, իսկ 1963թ. այն տեղադրվեց բոլոր մոդելների վրա: Ընկերությունն ամրագոտու կառուցվածքի արտոնագիրն ազատ հայտարարեց, ինչի արդյունքում շուտով մյուս արտադրողները նույնպես տեղադրեցին անվտանգության նոր համակարգը: Հետագա տարիների ընթացքում կառուցվածքային փոփոխություն ամրագոտին չի կրել. փոփոխվել են միայն ամրակցման դետալների ձևը, բարելավվել են ճարմանդները:
Գյուտարարը մահացել է 2002թ. սեպտեմբերի 21-ին: Նրա հողարկավորության ժամանակ Volvo ընկերության տնօրեններից մեկը հայտարարել է. «Նիլս Բոլինի մի մասնիկն առկա է ցանկացած մեքենայում»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…