Ոստիկանական ժետոնն է փրկել Արարատի կյանքը — Շեշտ.am (shesht.am)
2 րոպե
Խմբագրություն

Ոստիկանական ժետոնն է փրկել Արարատի կյանքը

Պատերազմին մասնակցելու համար Արցախ մեկնած ոստիկանը վիրավորվել է Շուշիի Մշակույթի տանը` հրթիռակոծության հետևանքով: Պարզվել է, որ նրա սիրտը բեկորի հարվածից ծառայողական ժետոնն է պաշտպանել:

Արարատ Մինասյանը և նրա կյանքը փրկած ժետոնը / © Armtimes

Արարատ Մինասյանը, ում կյանքը փաստացի փրկել է ծոցագրպանում տեղադրված ծառայողական մետաղանիշը (ժետոնը), Ոստիկանության Իջևանի բաժանմունքի պարեկային ծառայության հրամանատարի օգնականն է, առաջին ջոկի հրամանատարը, կոչումով` ավագ:

Արարատը պատմել է, որ, տեղեկանալով պատերազմի վերսկսման մասին, իր ընկերների հետ սեպտեմբերի 28-ին մեկնել է Վանաձոր` զինվորական պատրաստություն անցնելու, և հոկտեմբերի 3-ին մեկնել է Արցախ: Հոկտեմբերի 4-ին (դստեր ծննդյան օրը) զանգել է տուն ու շնորհավորել, բայց չի ասել, որ մարտական գործողությունների է մասնակցում: Նույն օրը Շուշիի Մշակույթի տան հրթիռակոծության հետևանքով Արարատը վիրավորում է ստացել:

Արարատի կյանքը փրկած ժետոնը / © Armtimes

Հայրենիքը պաշտպանելու մեկնած ոստիկանը պատմել է, որ ուշքի է եկել, երբ արդեն փլատակների տակ էր, չի կարողացել շարժվել: Ընկերները նրան դուրս են բերել, տեղափոխել Շուշիի բուժկետ, իսկ արյունահոսությունը դադարեցնելուց հետո տեղափոխել են Ստեփանակերտ, ապա` Երևան:

Պատերազմ մեկնած ոստիկանները / © Armtimes

Մայրաքաղաք հասնելուց հետո Արարատը նկատել է, որ սրտի հատվածում բազմաթիվ վնասվածքներ կան, բայց սիրտն անվնաս է: Պատմել է, որ մարտի դաշտում ծառայողական ժետոնը միշտ գրպանում է եղել: Հրամանատարն է ցույց տվել, որ հենց այդ ժետոնն է փրկել Արարատի կյանքը: Նա նկատել է, որ մետաղանիշն իսկապես վնասված է. Արարատի սիրտը պաշտպանել է բեկորներից:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.