Արմենիա-ն օրական 2 չվերթ կիրականացնի Երեւանից, իսկ Պոբեդան՝ 8 հավելյալ չվերթ՝ Գյումրիից:
Հուլիսի 8-ից Հայաստանից Ռուսաստան կատարվող չվերթների քանակը կավելանա: Այս մասին Shesht.am–ին տեղեկացրեց «Արմենիա» միջազգային օդանավակայաններ» ՓԲԸ հանրային կապերի պատասխանատու Սաթենիկ Հովհաննիսյանը:
Ըստ նրա՝ հուլիսի 8-ից «Արմենիա» ավիաընկերությունն ամեն օր՝ օրական երկու չվերթ կիրականացնի Երևանից դեպի Մոսկվա: Ավելի վաղ հաղորդվել էր, որ պահանջարկի դեպքում ընկերությունը կարող է մինչև 4 չվերթ իրականացնել։
Մինչև հիմա ընկերության փոխադրումները դեպի Ռուսաստան՝ Մինվոդի ու Վորոնեժ ուղղություններով էին, իսկ դեպի Մոսկվա թռիչքները 2016թ.-ից դադարեցվել էին։
Ուղղությունը վերականգնելու պատճառը ռուս-վրացական վերջին լարվածությունն է, եւ դրանով պայմանավորված՝ նախատեսվում է չվերթների ժամերը մոտեցնել դեպի Վրաստան փոխադրումներ իրականացող միակ ընկերության՝ «Վրացական ավիաուղիների» Երևան — Թբիլիսի — Երևան չվերթների ժամերին:
Դեպի Հայաստան ռուսաստանյան 11 ավիաընկերություններ են չվերթներ իրականացնում, 10-ը՝ դեպի Երևան, մեկը («Պոբեդան»)՝ դեպի Գյումրի։
««Պոբեդա» ավիաընկերությունը հուլիս ամսին կավելացնի չվերթների հաճախականությունը և կիրականացնի հավելյալ 8 չվերթ՝ Գյումրի-Մոսկվա-Գյումրի երթուղով։ Ներկայումս օրական մեկ անգամ են իրականացվում այս ուղղությամբ թռիչքները։
Երկու ավիաընկերություն էլ փոխում են օդանավերի տիպերը. «Աերոֆլոտ» ընկերությունն իր բոլոր՝ 6 չվերթներից յուրաքանչյուրին կավելացնի 40 նստատեղ, իսկ Nord Wind ավիաընկերությունը ներկայիս 3-ի փոխարեն 4 չվերթ կիրականացնի 400-տեղանոց օդանավերով:
Սրանք են այս պահի դրությամբ եղած տվյալները, որոնք ընթացքում կարող են փոփոխության ենթարկվել», – ասաց Սաթենիկ Հովհաննիսյանը։
Նշենք, որ «Պոբեդա»-ն Գյումրի-Մոսկվա-Գյումրի օդուղով ներկայումս օրական մեկ անգամ է իրականացնում թռիչքները, «Աերոֆլոտ»-ը՝ 6 չվերթ Երեւան-Մոսկվա-Երեւան ուղղությամբ, իսկ Nord Wind ավիաընկերությունը՝ օրական 3-ը դեպի Մոսկվա։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…