Էնտոնի Բլինկենը խոստացել է, որ աշխատելու է Կոնգրեսի և պաշտպանության քարտուղարի հետ` հստակեցնելու աջակցության այն չափը, որը կբավարարի Հայաստանի և տարածաշրջանի անվտանգության պահանջները:
ԱՄՆ-ի պետքարտուղարի պաշտոնում առաջադրված թեկնածու Էնտոնի Բլինկենը հայտարարել է, որ Բայդենի վարչակազմը վերանայելու է ԱՄՆ-ի կողմից Ադրբեջանին անվտանգության ոլորտում ցուցաբերվող աջակցության վերաբերյալ դիրքորոշումը:
ԱՄՆ-ի Սենատի Միջազգային հարաբերությունների հարցերով կոմիտեի ղեկավար Ռոբերտ Մենենդեսի հարցին ի պատասխան` Բլինկենը նշել է, որ Լեռնային Ղարաբաղում վերջերս տեղի ունեցած պատերազմի համատեքստում է այդ հարցը վերանայվելու: Նրա խոսքով` Միացյալ Նահանգների նոր վարչակազմը կարող է վերստին կիրառել Ազատության սատարման ակտի 907-րդ կարգավորումը, որն արգելում է Ադրբեջանի հետ ռազմական համագործակցությունը:
Բլինկենը խոստացել է, որ պետքարտուղարի պաշտոնում նշանակվելու դեպքում աշխատելու է Կոնգրեսի և պաշտպանության քարտուղարի հետ` հստակեցնելու աջակցության այն չափը, որը կբավարարի Հայաստանի և տարածաշրջանի անվտանգության պահանջները:
ԱՄՆ-ի ապագա պետքարտուղարը շեշտել է, որ Նահանգները պետք է առաջնորդի դիվանագիտական ջանքերը, որպեսզի, ինչպես նախագահն է նշում, համագործակցելով եվրոպացի գործընկերների հետ` գտնի հակամարտության արդյունավետ լուծումներ: Բլինկենը խոստացել է, որ նշանակվելու դեպքում անձամբ փորձելու է նպաստել ԱՄՆ-ի կողմից այնպիսի ամուր լուծում գտնելուն, որը կապահովի Լեռնային Ղարաբաղի անվտանգությունը և կկարողանա կանխել նոր պատերազմը:
Պետքարտուղարի թեկնածուի խոսքով` նախատեսվում է նաև Միացյալ Նահանգների ակտիվացում Մինսկի խմբի շրջանակներում և հավելյալ դիվանագիտական աշխատանքների ծավալում` երրորդ երկրների միջամտութունը գործընթացին բացառելու նպատակով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…